Litir og föndur

Fyrirtækið var upphaflega stofnað árið 1948 af Augusti Håkansyni skiltamálara og myndlistarmanni og gekk þá undir nafninu Skiltagerðin. Fyrirtækið verslaði aðallega með myndlistarvörur en auk þess var starfrækt þar skiltagerð. Árið 1978 var fyrirtækinu svo deilt niður, Skiltagerðin var rekin sem heildsala en smávöruverslunin hlaut nafnið Litir og Föndur og eignaðist Guðfinna Hjálmarsdóttir, myndlistakona, þá verslunina. Nokkrum árum síðar tóku Guðfinna og eiginmaður hennar Grímur Jóhann Ingólfsson húsgagnasmiður, við heildsölunni sem þá var skráð var undir nafninu Handlist. Árið 1997 voru fyrirtækin sameinuðu undir nafninu Litir og Föndur – Handlist ehf.

Litir og Föndur hefur frá upphafi verið til húsa að Skólavörðustíg. Þar hefur fyrirtækið vaxið og dafnað í gegnum árin og þar af leiðandi þurft að stækka talsvert við sig. Þegar rekstur verslunarinnar hófst var verslunin staðsett í 65 fm. húsnæði á Skólavörðustíg 15 en hún fluttist síðan í eigið húsnæði á Skólavörðustíg 16 en þegar fór að þrengja að þar var hluti verslunarinnar futtur yfir á Skólavörðustíg 14. Verslunin er nú staðsett í 480 fm. húsnæði á skólavörðusíg 12 og hefur stækkað mikið við sig bæði hvað varðar rými og vöruúrval síðan rekstur hófst.
Starfssvið verslunarinnar er smásala á föndur- og myndlista-  vörum og ýmiskonar þjónusta fyrir myndlistarmenn, má þar nefna uppstrekkingar á striga. Myndlistanámskeið eru í boði og eru þau auglýst á heimasíðunni undir Námskeið.
Árið 2004 var opnuð ný og fjölbreytt verslun að Smiðjuvegi 4 Kópavogi. Verslunin er í megin dráttum uppbyggð eins og verslunin á Skólavörðustíg, það sem helst skilur á milli er brúðkaups- og veisluleiga í versluninni á Smiðjuvegi, ásamt tilheyrandi þjónustu sem áður var í Völusteini.
Enn verða þáttarskil 2009. Verslunin að Smiðjuvegi 4 flutti í stærra húsnæði að Smiðjuvegi 5 ( þar sem Skólavörubúðin var áður til húsa). Samhliða fluttningnum tókum við yfir þær vörur sem skrappa.is var áður með. Fjöldi einkabílastæða eru við verslunina Smiðjuvegi 5 í Kópavogi.

Starfsmenn hjá fyrirtækinu eru : Guðfinna Anna Hjálmarsdóttir, Hjálmar Axel Ingibergsson, Grímur Ingólfsson, Bryndís Kjartansdóttir, Kristín Linda Sævarsdóttir, Claudia Ólafsson og Kaire Hjaltested.
Sölu- og innkaupastjóri er Hjálmar Axel Ingibergsson.
Kennari á myndlistarnámskeiðum er Guðfinna Hjálmarsdóttir, en hennar formlega menntun er BA gráða í myndlist frá Listaháskóla Íslands.

Þess má geta að starfsfólk okkar er með góða menntun á sviði myndlistar og handmennta ásamt því að hafa flest langan starfsaldur og hefur þar af leiðandi góða þekkingu á þeim vörum sem verslanirnar eru með.