OR - Orkuveita Reykjavíkur

  • Bæjarháls 1, Reykjavík, Ísland
  • or.is

OR er móðurfélag í samstæðu orku- og veitufyrirtækja sem byggja starfsemi sína á ábyrgri og hagkvæmri nýtingu auðlinda landsins. Áhersla er lögð á virðingu fyrir náttúrunni án þess að ganga á rétt komandi kynslóða.
Dótturfélög OR eru Veitur, Orka náttúrunnar og Gagnaveita Reykjavíkur. Þau sjá landsmönnum fyrir vatni, rafmagni, fráveitu og gagnaflutningi.

OR - Orkuveita Reykjavíkur Orkuveita Reykjavíkur, Bæjarháls, Reykjavík, Ísland
16/08/2019
Fullt starf
Á Þróunarsviði OR starfar vísindafólk sem tryggir, verndar og treystir sjálfbæra og sporlausa nýtingu auðlinda okkar á grunni umfangsmikils rannsóknar- og nýsköpunarstarfs. Huga þarf að framtíðarforða fyrir veiturnar okkar og við leitum að liðsfélaga til að stýra rannsóknum á ókönnuðum jarðhitasvæðum. Í starfinu felst virk þátttaka í mótun nýtingarstefnu OR samstæðunnar þar sem leiðarljósið er að tryggja almenningi birtu, vatn og yl til framtíðar. Starfið krefst þekkingar á jarðhita, reynslu af verkefnastjórn og samskiptahæfni. Menntun á sviði jarðvísinda, orkuvísinda eða skyldra greina er nauðsynleg. Ef þú ert góð(ur) í að fá fólk til liðs við þig, klára mál og brennur fyrir sjálfbærri nýtingu auðlinda viljum við heyra frá þér. Sótt er um starfið á ráðningarvef OR, starf.or.is. Umsóknarfrestur er til og með 26. ágúst 2019. Við hvetjum öll kyn til að sækja um starfið. OR er fjölbreyttur og lifandi vinnustaður fólks með mikla þekkingu. Fyrirtækið leitast við að vera í fremstu röð hvað snertir öryggi, jafnrétti, vinnuumhverfi og möguleika til að samræma vinnu og einkalíf.
OR - Orkuveita Reykjavíkur Orkuveita Reykjavíkur, Bæjarháls, Reykjavík, Ísland
16/08/2019
Fullt starf
Við leitum að þjónustufulltrúa í rafmagni Mæla og notendaþjónusta OR hefur það hlutverk að hafa umsjón með heimlagnarferli frá umsókn til áhleypingar og veitir fjölbreytta ráðgjöf til rafverktaka, hönnuða og húseigenda. Við leitum að þjónustufulltrúa í rafmagni sem mun taka þátt í verkefnum teymisins ásamt því að aðstoða við að tryggja gott flæði og forgangsraða í samráði við hópstjóra og umsjónarmann rafmagnsþjónustu. Ef þú hefur reynslu af faginu, góða skipulagsfærni og býrð yfir nákvæmni og þjónustulund viljum við fá umsókn frá þér. Hluti af starfinu felst í spennusetningum, tengingum og mælavinna og er því gerð krafa um sveinspróf í rafvirkjun. Próf í rafmagnsiðnfræði eða meistararéttindi í rafmagni er mikill kostur. Sótt er um starfið á ráðningarvef OR, starf.or.is, þar sem nánari upplýsingar er að finna. Umsóknarfrestur er til og með 1. september 2019. Við hvetjum öll kyn til að sækja um starfið. OR er fjölbreyttur og lifandi vinnustaður fólks með mikla þekkingu. Fyrirtækið leitast við að vera í fremstu röð hvað snertir öryggi, jafnrétti, vinnuumhverfi og möguleika til að samræma vinnu og einkalíf.