Aðstoðardeildarstjóri hjúkrunar

  • Landspítali
  • Ísland
  • 11/04/2018
Fullt starf / hlutastarf Heilbrigðisþjónusta

Um starfið

Við ætlum að bæta við öðrum aðstoðardeildarstjóra á bráðaöldrunarlækningadeild B-4 í Fossvogi. Við viljum ráða kraftmikinn, skipulagðan hjúkrunarfræðing með afburða samskiptahæfni sem hefur áhuga á að starfa með öldruðum og taka þátt í að leiða fjölbreytta starfsemi á bráðaöldrunarlækningadeild. Upphafsdagur starfs er samkvæmt samkomulagi og ráðningin er til tveggja ára.

Deildin er sjö daga bráðadeild með 22 rúm og fer þar fram greining, meðferð og hjúkrun bráðveikra aldraðra. Oft er um að ræða hrumleika, færniskerðingu eða öldrunarheilkenni í grunninn þar sem ný veikindi bætast við. Meginstarf er greining og meðferð bráðra sjúkdóma hjá öldruðum og flestir þurfa á fjölþættum rannsóknum að halda.

Helstu verkefni og ábyrgð » Er náinn samstarfsmaður deildarstjóra, skipuleggur starfsemi deildarinnar í samráði við hann og ber ábyrgð á rekstri og mönnun deildarinnar í fjarveru hans
» Ber ábyrgð á tilteknum verkefnum sem viðkomanda er falið
» Er leiðandi í umbóta- og gæðastarfi og framþróun hjúkrunar á deildinni

» Er náinn samstarfsmaður deildarstjóra, skipuleggur starfsemi deildarinnar í samráði við hann og ber ábyrgð á rekstri og mönnun deildarinnar í fjarveru hans
» Ber ábyrgð á tilteknum verkefnum sem viðkomanda er falið
» Er leiðandi í umbóta- og gæðastarfi og framþróun hjúkrunar á deildinni

Hæfnikröfur » Íslenskt hjúkrunarleyfi
» Sveigjanleiki og hæfni í mannlegum samskiptum og teymisvinnu
» Áhugi og reynsla af umbóta- og gæðastarfi
» Leiðtogahæfni og áhugi á stjórnun
» Skipulagshæfileikar og frumkvæði í starfi

» Íslenskt hjúkrunarleyfi
» Sveigjanleiki og hæfni í mannlegum samskiptum og teymisvinnu
» Áhugi og reynsla af umbóta- og gæðastarfi
» Leiðtogahæfni og áhugi á stjórnun
» Skipulagshæfileikar og frumkvæði í starfi

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags. Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall 80 - 100% Umsóknarfrestur 23.04.2018 Nánari upplýsingar Ragnheiður Guðmundsdóttir, ragnhegu@landspitali.is, 543 9400 Bára Benediktsdóttir, baraben@landspitali.is, 824 5909 LSH Bráðaöldrunarlækningadeild Fossvogi 108 Reykjavík