Starf rekstrarstjóra á skrifstofu yfirstjórnar

  • Mennta- og menningarmálaráðuneytið
  • 04/05/2018
Fullt starf Skrifstofustörf Stjórnendur

Um starfið

Mennta- og menningarmálaráðuneytið óskar að ráða rekstrarstjóra til starfa.

Rekstrarstjóri samhæfir starfsemi ráðuneytisins og vinnur að því að ná fram markmiðum ráðuneytisins á sviði rekstrar og innri þjónustu. Hann hefur umsjón með fjármálum og almennum rekstri aðalskrifstofu ráðuneytisins og stýrir í samráði við ráðuneytisstjóra starfsmannahaldi og daglegum rekstri ráðuneytisins. Um er að ræða fullt starf.

Helstu verkefni:

  • Umsjón og ábyrgð á innri rekstri ráðuneytisins.
  • Upplýsingagjöf og ráðgjöf til stjórnenda.
  • Skýrslugerð og úrvinnsla gagna.
  • Ber ábyrgð á gerð samninga, s.s. vegna ráðninga, starfsloka og verktöku.
  • Ber ábyrgð á eignaskrá ráðuneytisins.
  • Tekur þátt í faglegri framkvæmd verkefna á grunni sérfræðiþekkingar sinnar.
  • Seta í stjórnum og nefndum.
  • Ytri og innri samskipti innan stjórnsýslunnar.

Kröfur til umsækjenda:

  • Háskólapróf í viðskiptafræði og/eða rekstrarhagfræði.
  • Þekking og reynsla á sviði rekstrar og þjónustu.
  • Reynsla af verkefnistjórnun og áætlanagerð.
  • Góð almenn tölvukunnátta er nauðsynleg.
  • Færni í framsetningu talna og gagna.
  • Reynsla á sviði mannauðsstjórnunar skilyrði.
  • Reynsla og þekking á sviði opinberrar stjórnsýslu skilyrði.
  • Frumkvæði, ábyrgð, samskiptalipurð.
  • Geta til að vinna undir álagi.
  • Góð kunnátta í ensku og einu Norðurlandamáli.
  • Þekking á mannauðskerfi Oracle æskileg.

Nánari upplýsingar

Æskilegt er að umsækjandi geti hafið störf sem fyrst. Um launakjör fer samkvæmt kjarasamningi Félags háskólamenntaðra starfsmanna stjórnarráðsins og fjármála- og efnahagsráðherra. Við ráðningar í störf hjá mennta- og menningarmálaráðuneytinu er tekið mið af  jafnréttisáætlun ráðuneytisins. Nánari upplýsingar veitir Jens Pétur Hjaltested í síma 545 9500.

Umsóknarfrestur er til og með 22. maí 2018

Með umsóknum skal fylgja upplýsingar um menntun og starfsferil. Umsóknir skulu sendar til mennta- og menningarmálaráðuneytisins, Sölvhólsgötu 4, 101 Reykjavík eða á netfangið postur@mrn.is merkt „Rekstrarstjóri 2018“. Öllum umsóknum verður svarað þegar ákvörðun um ráðningu hefur verið tekin.