Sérfræðingur

  • Umhverfisstofnun
  • 13/05/2018
Fullt starf Sérfræðingar

Um starfið

Viltu draga úr myndun úrgangs?

Umhverfisstofnun leitar að starfsmanni með áhuga á að efla grænt samfélag og bæta nýtingu auðlinda. Í boði er krefjandi starf í frjóu umhverfi sérfræðinga þar sem áhersla er lögð á opin samskipti, þverfaglega vinnu, erlent samstarf og möguleiki er á að hafa áhrif á þróun starfs.

Helstu verkefni og ábyrgð
Helstu verkefni sérfræðingsins verða á vettvangi úrgangsmála, s.s. að vinna að því að draga úr myndun úrgangs á Íslandi, bæta meðhöndlun úrgangs, veita leyfi fyrir flutningi úrgangs og sinna úrvinnslu gagna. Jafnframt mun starfið fela í sér verkefni sem tengjast hollustuháttum, umhverfismerkjum og grænum skrefum stofnana.

Hæfnikröfur
Gerð er krafa um meistarapróf í raunvísindum eða verkfræði. Þá krefst starfið þess að sá sem því sinnir búi yfir jákvæðni og lipurð í samskiptum. Kunnátta í íslensku, ensku og einu Norðurlandamáli er skilyrði. Þekking á úrgangsmálum og reynsla af stjórnsýslustörfum eru kostir.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Konur jafnt sem karlar hvött til að sækja um.

Æskilegt er að starfsmaðurinn geti hafið störf sem fyrst. Föst starfsaðstaða getur verið, allt eftir búsetu, í Reykjavík, Hellissandi, Patreksfirði, Ísafirði, Akureyri, Mývatni, Egilsstöðum, Hellu eða Vestmannaeyjum. Gert er ráð fyrir að gagnkvæmur reynslutími sé sex mánuðir frá ráðningu.

Starfshlutfall er 100%
Umsóknarfrestur er til og með 04.06.2018

Nánari upplýsingar veitir
Elva Rakel Jónsdóttir - elva@umhverfisstofnun.is - 5912000
Guðmundur Bjarki Ingvarsson - gbi@umhverfisstofnun.is - 5912000