Aðstoðarskólastjóri Álftanesskóla

  • Garðabær
  • Álftanes, Ísland
  • 11/05/2018
Fullt starf Kennsla Stjórnendur

Um starfið

Álftanesskóli auglýsir eftir aðstoðarskólastjóra í fullt starf frá og með 1. ágúst 2018.

 

Álftanesskóli er heildstæður grunnskóli í Garðabæ. Ríflega 400 nemendur eru í skólanum og er skólastarfið m.a. byggt á hugmyndafræðinni um Uppeldi til ábyrgðar - uppbygging sjálfsaga.

Skólinn er staðsettur nálægt fjöru og fallegri náttúru, auk þess að vera í göngufæri við tvo leikskóla og íþróttamiðstöð. Í sumar hefst vinna við nýja viðbyggingu við skólann, sem mun bæta aðstöðu nemenda og starfsfólks til muna, m.a. vegna nýs mötuneytis, bókasafns og tengingar við íþróttamiðstöð.

 

Leitað er að einstaklingi sem er tilbúinn til að starfa að sveigjanlegu skólastarfi samkvæmt skólastefnu Garðabæjar og áherslum Álftanesskóla, sem m.a. felast í fjölbreyttum kennslu- og námsmatsaðferðum og að koma til móts við fjölbreyttar þarfir allra nemenda.

 

Starfssvið:

  • Starfa með skólastjóra að daglegri stjórnun skólans
  • Vera faglegur leiðtogi á sviði kennslu og þróunar í skólastarfi
  • Leiða samstarf starfsmanna, nemenda, heimila og skólasamfélagsins í heild
  • Ber m.a. ábyrgð á starfi lausnateymis, úrlausn afleysinga og úrræðum fyrir nemendur með sérþarfir í samráði við fagaðila

 

Menntun, reynsla og hæfni:

  • B.Ed. próf og leyfisbréf til kennslu í grunnskóla
  • Framhaldsmenntun sem nýtist í starfi
  • Þekking og reynsla á sviði skólastjórnunar
  • Lipurð og færni í mannlegum samskiptum
  • Frumkvæði og sjálfstæð vinnubrögð
  • Jákvæðni, ábyrgðarkennd og skipulagshæfileikar
  • Reynsla af úrlausnum nemendamála og foreldrasamskipta er kostur

 

Umsóknarfrestur er til og með 27. maí 2018.

 

Nánari upplýsingar um starfið veitir Erna Ingibjörg Pálsdóttir, núverandi aðstoðarskólastjóri, erna@alftanesskoli.is eða í síma 821-5009.

 

Launakjör eru samkvæmt kjarasamningi Sambands íslenskra sveitarfélaga og Kennarasambands Íslands.

Áhugasamir einstaklingar, án tillits til kyns, eru hvattir til að sækja um.

Umsækjendur eru beðnir um að sækja um rafrænt á heimasíðu Garðabæjar www.gardabaer.is. Umsóknum skal fylgja ítarleg starfsferilskrá.