Umsjónarkennari í 1.-7. bekk - Foldaskóli

  • Reykjavíkurborg
  • Reykjavík, Ísland
  • 17/05/2018
Fullt starf Iðnaðarmenn

Um starfið

Foldaskóli

Staða umsjónarkennara á yngsta- eða miðstigi við Foldaskóla er laus til umsóknar.

Foldaskóli er elsti hverfisskólinn í Grafarvogi, hóf starfsemi árið 1985. Í skólanum eru um 500 nemendur í 1.-10. bekk. Skólinn er safnskóli á unglingastigi fyrir Hamra- , Húsa- og Foldahverfi. Við skólann er starfrækt einhverfudeild og sérstök ráðgjafardeild (fardeild) vegna nemenda með atferlis- og geðraskanir sem þjónar grunnskólunum í Grafarvogi og Kjalarnesi. Skólinn er Grænfánaskóli og tekur þátt í verkefninu Heilsueflandi skóli. Einkunnarorð Foldaskóla eru siðprýði – menntun - sálarheill. Í skólanum er lögð áhersla á jákvæðan skólabrag, fjölbreytta kennsluhætti og viðfangsefni þar sem komið er til móts við öll börn í námi.

Um er að ræða 100% starf og er staðan laus frá 1. ágúst 2018.

Helstu verkefni og ábyrgð

  • Kennsla og umsjón með nemendahópi í samráði við skólastjórnendur, aðra kennara og foreldra.
  • Vinna að þróun skólastarfs með stjórnendum og samstarfsmönnum.
  • Stuðla að velferð nemenda í samstarfi við foreldra og annað fagfólk.
  • Vinna samkvæmt stefnu skólans og taka þátt í innleiðingu nýrrar aðalnámskrár.

Hæfniskröfur

  • Kennaramenntun og leyfi til að nota starfsheitið grunnskólakennari.
  • Reynsla og áhugi á að starfa með börnum á grunnskólaaldri.
  • Góðir samstarfs- og skipulagshæfileikar.
  • Lipurð í samskiptum og faglegur metnaður.
  • Góð íslenskukunnátta.

Frekari upplýsingar um starfið

Launakjör eru samkvæmt kjarasamningi KÍ og launanefndar sveitarfélaga.

Starfshlutfall: 100%
Umsóknarfrestur: 30.5.2018
Ráðningarform: Ótímabundin ráðning
Nafn sviðs: Skóla- og frístundasvið

Nánari upplýsingar um starfið veitir Skúli Kristjánsson í síma 540 7600 og tölvupósti skuli.kristjansson@rvkskolar.is.

Foldaskóli
Logafold 1
112 Reykjavík