STARF SKÓLASTJÓRA TÓNLISTARSKÓLANS Á AKRANESI

  • Akraneskaupstaður
  • 01/06/2018
Fullt starf Kennsla

Um starfið

Akraneskaupstaður auglýsir lausa til umsóknar stöðu skólastjóra Tónlistarskólans á Akranesi. Akraneskaupstaður er eitt af stærstu sveitarfélögum landsins með rúmlega 7 þúsund íbúa. Bærinn er sérstaklega barnvænn með gott framboð af íþrótta-, tómstunda- og menningarstarfi. Tónlistarskólinn var stofnaður árið 1955 og telja nemendur skólans í dag um 300. Hlutverk Tónlistarskólans á Akranesi er að stuðla að öflugu og fjölbreyttu tónlistarlífi en skólinn býr við mjög góðan aðbúnað til  tónlistarkennslu. 

Helstu verkefni og ábyrgðarsvið:

  • Veita Tónlistarskólanum faglega forystu.
  • Stjórnun og ábyrgð á daglegum rekstri.
  • Virk þátttaka í þróun og skipulagi skólastarfs á Akranesi.
  • Samstarf við bæjaryfirvöld og aðila skólasamfélagsins.

Menntunar- og hæfnikröfur:

  • Leiðtogahæfni, metnaður og áhugi á skólaþróun og nýjungum.
  • Menntun á sviði tónlistar.
  • Framhaldsmenntun á sviði tónlistar æskileg.
  • Reynsla af tónlistarkennslu og tónlistarflutningi.
  • Framhaldsmenntun í stjórnun og/eða þekking og reynsla af rekstri og stjórnun.
  • Góð íslenskukunnátta og færni til að tjá sig í ræðu og riti.
  • Framúrskarandi samskiptahæfni, jákvætt viðmót og þjónustulund.

Í samræmi við mannréttindastefnu Akraneskaupstaðar eru bæði karlar og konur hvött til að sækja um starfið. Laun eru samkvæmt kjarasamningi SNS og KÍ/FÍH. Staðan er laus frá og með 1. ágúst 2018. 

Nánari upplýsingar um starfið veita Valgerður Janusdóttir sviðsstjóri í síma 4331000 eða í valgerdur.janusdottir@akranes.is.

Sótt er um starfið hér í gegnum heimasíðu Akraneskaupstaðar. Umsóknum fylgi ítarleg starfsferilskrá ásamt greinargerð þar sem kemur fram ástæða umsóknar og rökstuðningur fyrir hæfni viðkomandi til starfsins. Umsóknarfrestur er til og með 24. júní 2018.