Stuðningsfulltrúi í sérdeild fyrir einhverfa

  • Reykjavíkurborg
  • Reykjavík, Ísland
  • 07/06/2018
Fullt starf / hlutastarf Önnur störf

Um starfið

Fellaskóli - Sérkennsla

Í Fellaskóla, Norðurfelli 17-19, er laust til umsóknar tímabundið starf stuðningsfulltrúa í sérdeild fyrir einhverfa. Deildin er ein af sex sérdeildum fyrir einhverfa í Reykjavík.

Fellaskóli er heildstæður grunnskóli í Reykjavík þar sem rúmlega 330 nemendur stunda nám og starfsmenn eru um 70. Í skólanum er leitast við að sníða skólastarfið í samræmi við eðli og þarfir nemenda. Stuðlað er að alhliða þroska og menntun hvers og eins og stutt er við jákvæða hegðun nemenda. Í Fellaskóla er litið svo á að menningarlegur fjölbreytileiki auðgi skólastarf og lögð er áhersla á að virðing sé borin fyrir uppruna og menningu einstaklinga. Markvisst er unnið að þróun kennsluhátta, samvinnu nemenda, fjölbreytni í námsmati og eflingu skapandi starfs. Við skólann er starfrækt sérdeild fyrir einhverf börn.

Helstu verkefni og ábyrgð

  • Að aðstoða nemendur við þátttöku í skóla- og frístundastarfi og athafnir daglegs lífs
  • Að aðstoða nemendur við að ná settum viðmiðum samkvæmt skólanámskrá/einstaklingsnámskrá undir leiðsögn kennara
  • Að styðja nemendur í félagslegum samskiptum
  • Að fylgja nemendum í skóla, í frístundastarfi, í frímínútum og í vettvangsferðum

Hæfniskröfur

  • Áhugi á og reynsla af starfi með börnum
  • Góð almenn menntun
  • Hæfni í mannlegum samskiptum
  • Frumkvæðni, jákvæðni og sjálfstæð vinnubrögð
  • Íslenskukunnátta

Frekari upplýsingar um starfið

Laun eru samkvæmt samningi Reykjavíkurborgar og viðkomandi stéttarfélags.

Starfshlutfall: 80%
Umsóknarfrestur: 20.6.2018
Ráðningarform: Timabundin ráðning
Nafn sviðs: Skóla- og frístundasvið

Nánari upplýsingar um starfið veitir Sigurlaug Hrund Svavarsdóttir í síma 4117530 og tölvupósti sigurlaug.hrund.svavarsdottir@rvkskolar.is.


Norðurfelli 17-19
111 Reykjavík