Hjúkrunarfræðingur óskast á krabbameinslækningadeild

  • Landspítali
  • Hringbraut, 101 Reykjavík
  • 22/06/2018
Fullt starf / hlutastarf Heilbrigðisþjónusta

Um starfið

Vilt þú vinna með samhentum hópi að meðferð einstaklinga með krabbamein?
Við sækjumst eftir hjúkrunarfræðingum til starfa á krabbameinslækningadeild 11E. Deildin er 15 rúma sólarhringsdeild. Flestir sjúklingar sem leggjast inn á deildina koma frá bráðadeild, dagdeild blóð- og krabbameinslækninga eða öðrum deildum sjúkrahússins. Meginástæður innlagna eru einkenni sjúkdómsins eða fylgikvillar meðferðar.

Á deildinni starfar um 55 manna metnaðarfullur hópur sem vinnur markvisst að því að bæta þjónustu deildarinnar. Lögð er mikil áhersla á góð samskipti við sjúklinga og fjölskyldur þeirra. Við tökum vel á móti nýju fólki og veitum einstaklingshæfða aðlögun. Ráðgert er að halda stutt námskeið fyrir umsækjendur áður en starf á deild hefst þar sem farið verður yfir helstu einkenni og meðferð krabbameinssjúklinga.

Starfshlutfall og vinnutími er samkomulagsatriði og eru störfin laus frá 1. september 2018 eða eftir samkomulagi.
Þér er velkomið að heimsækja deildina, áhugasamir hafi samband við Ásthildi deildarstjóra.

Deildin er þátttakandi í tilraunaverkefni innan Landspítala um sveigjanlegra vinnufyrirkomulag hjúkrunarfræðinga í vaktavinnu, með undirbúnings- og frágangstíma og viðbragðsvöktum sem hluta af vinnuskyldu. Markmið verkefnisins er að bæta mönnun og starfsumhverfi hjúkrunarfræðinga á sólarhringsdeildum í bráðaþjónustu.

Helstu verkefni og ábyrgð Að veita einstaklingshæfða hjúkrun, ráðgjöf og stuðning til einstaklinga sem koma á deildina til meðferðar vegna krabbameina og aðstandenda þeirra.

Að veita einstaklingshæfða hjúkrun, ráðgjöf og stuðning til einstaklinga sem koma á deildina til meðferðar vegna krabbameina og aðstandenda þeirra.

Hæfnikröfur » Jákvætt viðhorf, frumkvæði og samskiptahæfileikar
» Sjálfstæði í vinnubrögðum og faglegur metnaður
» Hæfni og geta til að vinna í teymi
» Íslenskt hjúkrunarleyfi

» Jákvætt viðhorf, frumkvæði og samskiptahæfileikar
» Sjálfstæði í vinnubrögðum og faglegur metnaður
» Hæfni og geta til að vinna í teymi
» Íslenskt hjúkrunarleyfi

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags. Öllum umsóknum verður svarað. Tekið er mið af jafnréttisstefnu LSH við ráðningar á spítalanum. Starfið auglýst 23. júní 2018. Umsóknarfrestur er framlengdur til og með 23. júlí 2018.

Umsókn fylgi náms- og starfsferilskrá ásamt afriti af prófskírteinum og starfsleyfi.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. Um er að ræða 3 stöðugildi.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall 50 - 100% Umsóknarfrestur 23.07.2018 Nánari upplýsingar Ásthildur Guðjohnsen, asthildg@landspitali.is, 543 6210/ 896 2311 LSH Krabbameinslækningadeild Hringbraut 101 Reykjavík