Hjúkrunarfræðingur - Barnaspítali Hringsins

  • Landspítali
  • Hringbraut, 101 Reykjavík
  • 17/08/2018
Fullt starf / hlutastarf Heilbrigðisþjónusta

Um starfið

Áhugasamur og metnaðarfullur hjúkrunarfræðingur óskast til starfa á barnadeild 22ED. Um er að ræða 80-100% starf í vaktavinnu frá 1. október 2018 eða eftir nánara samkomulagi. Í boði er góð einstaklingshæfð aðlögun undir leiðsögn reyndra hjúkrunarfræðinga og líflegt starfsumhverfi. Gott tækifæri til að þróa með sér faglega þekkingu og hæfni í sjálfstæðum vinnubrögðum. Við bjóðum jafnt velkomna hjúkrunarfræðinga sem búa yfir þekkingu sem og nýútskrifaða hjúkrunarfræðinga.

Deildin veitir fjölbreytta og sérhæfða þjónustu í meðferð og umönnun barna og unglinga, frá fæðingu til 18 ára aldurs og fjölskyldna þeirra. Stefna deildarinnar er að veita faglega og fjölskyldumiðaða þjónustu þar sem öryggi, fagmennska og umhyggja er höfð að leiðarljósi. Barnaspítali Hringsins hefur forystu í heilbrigðisþjónustu við börn og unglinga á Íslandi. Þar er veitt fjölbreytileg heilbrigðisþjónusta sem krefst mikillar sérhæfingar.

Deildin er þátttakandi í tilraunaverkefni innan Landspítala um sveigjanlegra vinnufyrirkomulag hjúkrunarfræðinga í vaktavinnu, með undirbúnings- og frágangstíma og viðbragðsvöktum sem hluti af vinnuskyldu. Markmið verkefnisins er að bæta mönnun og starfsumhverfi hjúkrunarfræðinga á sólarhringsdeildum í bráðaþjónustu.

Helstu verkefni og ábyrgð » Ber ábyrgð á hjúkrun, ráðgjöf og stuðningi til skjólstæðinga deildarinnar
» Skráning hjúkrunar í samræmi við reglur LSH
» Þátttaka í þverfaglegri teymisvinnu
» Virkur þátttakandi í þróun og uppbyggingu verkefna á deild

» Ber ábyrgð á hjúkrun, ráðgjöf og stuðningi til skjólstæðinga deildarinnar
» Skráning hjúkrunar í samræmi við reglur LSH
» Þátttaka í þverfaglegri teymisvinnu
» Virkur þátttakandi í þróun og uppbyggingu verkefna á deild

Hæfnikröfur » Góð samskiptahæfni og sjálfstæð vinnubrögð
» Hæfni og geta til að starfa í teymi
» Faglegur metnaður og áhugi á barnahjúkrun
» Íslenskt hjúkrunarleyfi

» Góð samskiptahæfni og sjálfstæð vinnubrögð
» Hæfni og geta til að starfa í teymi
» Faglegur metnaður og áhugi á barnahjúkrun
» Íslenskt hjúkrunarleyfi

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Tekið er mið af jafnréttisstefnu LSH við ráðningar á spítalanum og eru karlar jafnt sem konur hvött til að sækja um. Öllum umsóknum verður svarað. Um er að ræða 2 stöðugildi.

Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall 80 - 100% Umsóknarfrestur 03.09.2018 Nánari upplýsingar Jóhanna Lilja Hjörleifsdóttir, johahjor@landspitali.is, 543 3767/ 824 1202 LSH Barnadeild Hringbraut 101 Reykjavík