Hjúkrunarfræðingur - Smitsjúkdómadeild

  • Landspítali
  • Þórdís Ágústa Ingólfsdóttir, thoring@landspitali.is, 824 5480, Fossvogi
  • 17/08/2018
Fullt starf / hlutastarf Heilbrigðisþjónusta

Um starfið

Viltu öðlast fjölþætta reynslu? Við óskum eftir hjúkrunarfræðingi til starfa á smitsjúkdómadeild A7 á lyflækningasviði. Starfið er laust frá 1. október 2018 eða eftir nánara samkomulagi. Starfshlutfall er 80-100, unnið er í vaktavinnu sem hefur marga kosti umfram dagvinnu. Deildin er 20 rúma sólarhringsdeild, ætluð sjúklingum með bráð lyflæknisvandamál. Deildin sérhæfir sig í smitsjúkdómum en sjúklingahópurinn er fjölbreyttur og gefast því góð tækifæri til starfsþróunar og að öðlast fjölþætta reynslu.

Á deildinni starfa um 70 manns í nánu samstarfi við fagfólk í öðrum sérgreinum. Góður starfsandi ríkir á deildinni og er unnið markvisst að faglegri þróun og fögnum við nýjum hugmyndum.
Við tökum vel á móti nýju fólki og veitum góða einstaklingshæfða aðlögun. Það er velkomið að heimsækja okkur á deildina. Áhugasamir hafið samband við Stefaníu, deildarstjóra.

Deildin er þátttakandi í tilraunaverkefni innan Landspítala um sveigjanlegra vinnufyrirkomulag hjúkrunarfræðinga í vaktavinnu, með undirbúnings- og frágangstíma og viðbragðsvöktum sem hluti af vinnuskyldu. Markmið verkefnisins er að bæta mönnun og starfsumhverfi hjúkrunarfræðinga á sólarhringsdeildum í bráðaþjónustu.

Helstu verkefni og ábyrgð » Ákveða, skipuleggja og veita hjúkrunarmeðferð
» Virkur þátttakandi í þróun og uppbyggingu verkefna á deild
» Fylgjast með nýjungum í hjúkrun
» Þátttaka í þverfaglegri teymisvinnu

» Ákveða, skipuleggja og veita hjúkrunarmeðferð
» Virkur þátttakandi í þróun og uppbyggingu verkefna á deild
» Fylgjast með nýjungum í hjúkrun
» Þátttaka í þverfaglegri teymisvinnu

Hæfnikröfur » Jákvætt viðmót og góðir samskiptahæfileikar
» Faglegur metnaður, frumkvæði og sjálfstæði í vinnubrögðum
» Hæfni og geta til að starfa í teymi
» Íslenskt hjúkrunarleyfi

» Jákvætt viðmót og góðir samskiptahæfileikar
» Faglegur metnaður, frumkvæði og sjálfstæði í vinnubrögðum
» Hæfni og geta til að starfa í teymi
» Íslenskt hjúkrunarleyfi

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Tekið er mið af jafnréttisstefnu LSH við ráðningar á spítalanum og eru karlar jafnt sem konur hvött til að sækja um. Öllum umsóknum verður svarað. Um er að ræða 4 stöðugildi.

Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall 80 - 100% Umsóknarfrestur 03.09.2018 Nánari upplýsingar Stefanía Arnardóttir, stefarn@landspitali.is, 825 3688 Þórdís Ágústa Ingólfsdóttir, thoring@landspitali.is, 824 5480 LSH Smitsjúkdómadeild Fossvogi 108 Reykjavík