Starf lögfræðings á skrifstofu laga og stjórnsýslu

  • Mennta- og menningarmálaráðuneytið
  • 31/08/2018
Fullt starf Lögfræði

Um starfið

Mennta- og menningarmálaráðuneytið auglýsir laust til umsóknar tímabundið starf lögfræðings á skrifstofu laga og stjórnsýslu í ráðuneytinu. Um er að ræða fullt starf í eitt ár vegna afleysinga.

Helstu verkefni:
Á skrifstofu laga og stjórnsýslu reynir á lögfræðilega ráðgjöf innan ráðuneytisins, undirbúning stjórnsýsluúrskurða og ákvarðana um lögfræðileg málefni. Þar er enn fremur höfð umsjón með samningu lagafrumvarpa og reglugerða. Af hálfu ráðuneytisins annast skrifstofa laga og stjórnsýslu lögformlega framkvæmd EES-samningsins og alþjóðlegra samninga sem heyra undir ráðuneytið og Ísland er aðili að. Skrifstofan kemur einnig að stefnumótun ráðherra í einstökum málum.

Kröfur til umsækjenda:
Ráðuneytið leitar að einstaklingi sem er jákvæður og reiðubúinn að takast á við krefjandi verkefni, góður í mannlegum samskiptum, er nákvæmur, skipulagður og sjálfstæður í vinnubrögðum.
Menntunarskilyrði eru embættispróf eða meistarapróf í lögfræði. 
Áhersla er lögð á góða færni í ensku og a.m.k. einu Norðurlandamáli. 
Góð almenn tölvukunnátta er nauðsynleg. 
Reynsla af störfum innan stjórnsýslunnar eða sambærilegum störfum og framhaldsnám eða starfsreynsla á málefnasviðum ráðuneytisins er kostur.

Ráðning og kjör:
Miðað er við að ráðið verði í starfið frá 1. desember 2018. Launakjör eru samkvæmt kjarasamningi Félags háskólamenntaðra starfsmanna Stjórnarráðsins og fjármála- og efnahagsráðherra.

Umsóknir:
Umsóknir með upplýsingum um núverandi starfsheiti umsækjenda ásamt ítarlegum upplýsingum um menntun og fyrri störf skulu hafa borist mennta- og menningarmálaráðuneytinu, Sölvhólsgötu 4, 101 Reykjavík eða á netfangið postur@mrn.is, mánudaginn 1. október 2018, merkt „Lögfræðingur 2018". Ráðuneytið hvetur konur jafnt sem karla til að sækja um.

Öllum umsóknum verður svarað þegar ákvörðun um ráðningu hefur verið tekin.  Umsóknir um starfið gilda í sex mánuði. Umsóknir þar sem óskað er nafnleyndar verða ekki teknar til greina. 

Nánari upplýsingar um starfið veitir rekstrarstjóri í mennta- og menningarmálaráðuneyti í síma 545 9500, postur@mrn.is.