Hjúkrunarfræðingur - Hefur þig alltaf langað að prófa en aldrei þorað?

  • Landspítali
  • Hringbraut, 101 Reykjavík
  • 18/09/2018
Fullt starf / hlutastarf Heilbrigðisþjónusta

Um starfið

Hefur þig alltaf langað að prófa krabbameinshjúkrun en aldrei þorað? Nú er tækifærið til að prófa eitthvað nýtt, áhugavert og þroskandi.

ÁHUGAVERT STARF - FRÁBÆRT SAMSTARFSFÓLK - GÓÐUR STARFSANDI - TÆKIFÆRI TIL AÐ ÞRÓA FAGLEGA SÉRÞEKKINGU OG HÆFNI Í KRABBAMEINSHJÚKRUN - HÖFÐAR ÞETTA TIL ÞÍN?

Krabbameinslækningadeild 11E óskar eftir að ráða hjúkrunarfræðing til að starfa. Bæði nýútskrifaðir sem og reynsluboltar eru velkomnir í hópinn. Deildin er sólarhringsdeild, opin alla daga, og þjónar einstaklingum sem glíma við krabbamein og fjölskyldum þeirra. Starfshlutfall er samkomulagsatriði og boðið er uppá einstaklingsmiðaða aðlögun undir leiðsögn reyndra hjúkrunarfræðinga.

Á deildinni starfa um 50 manns á nýuppgerðri og endurbættri deild. Um er að ræða afar áhugaverðan og spennandi starfsvettvang með þverfaglegri nálgun og teymisvinnu við greiningu, meðferð og umönnun sjúklinga með krabbamein. Þar fer fram gríðarlega fjölbreytt og áhugaverð hjúkrun sjúklinga með einkenni frá mismunandi líffærakerfum. Margir eru nýlega greindir með krabbamein og eru að hefja sína meðferð, t.d. lyfja- eða geislameðferð, á meðan aðrir eru komnir lengra í sínu sjúkdómsferli.

Allir nýir hjúkrunarfræðingar fara á námskeið í gjöf krabbameinslyfja í æð undir leiðsögn sérfræðinga í krabbameinshjúkrun. Fagráð krabbameinshjúkrunar er öflugt og frábær vettvangur fyrir gæðastarf og stefnumótun. Einnig er starfandi fagdeild krabbameinshjúkrunarfræðinga innan FÍH. Jafnframt hefur deildin verið virkur þátttakandi í framförum í öflugri uppbyggingu í upplýsingatækni á Landspítala. Markvisst unnið að umbótum með virkri þátttöku allra starfsmanna.

Komdu í heimsókn. Hafðu samband við Ásthildi deildarstjóra, Garðar eða Jóhönnu Lind aðstoðardeildarstjóra og fáðu að skoða deildina og fá frekari upplýsingar um starfið.

Deildin er þátttakandi í tilraunaverkefni innan Landspítala um sveigjanlegra vinnufyrirkomulag hjúkrunarfræðinga í vaktavinnu, með undirbúnings- og frágangstíma og viðbragðsvöktum sem hluti af vinnuskyldu. Markmið verkefnisins er að bæta mönnun og starfsumhverfi hjúkrunarfræðinga á sólarhringsdeildum í bráðaþjónustu.

Helstu verkefni og ábyrgð » Ákveða, skipuleggja og veita hjúkrunarmeðferð
» Skipuleggja og veita fræðslu til sjúklinga og aðstandenda
» Þátttaka í þverfaglegri teymisvinnu
» Virkur þátttakandi í þróun og uppbyggingu deildarinnar

» Ákveða, skipuleggja og veita hjúkrunarmeðferð
» Skipuleggja og veita fræðslu til sjúklinga og aðstandenda
» Þátttaka í þverfaglegri teymisvinnu
» Virkur þátttakandi í þróun og uppbyggingu deildarinnar

Hæfnikröfur » Jákvætt viðhorf, frumkvæði og samskiptahæfileikar
» Sjálfstæði í vinnubrögðum og faglegur metnaður
» Hæfni og geta til að vinna í teymi
» Íslenskt hjúkrunarleyfi

» Jákvætt viðhorf, frumkvæði og samskiptahæfileikar
» Sjálfstæði í vinnubrögðum og faglegur metnaður
» Hæfni og geta til að vinna í teymi
» Íslenskt hjúkrunarleyfi

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. Um er að ræða 3 stöðugildi. Tekið er mið af jafnréttisstefnu LSH við ráðningar á spítalanum og eru karlar jafnt sem konur hvött til að sækja um. Öllum umsóknum verður svarað.

Upphaf starfs er samkvæmt samkomulagi. Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall 60 - 100% Umsóknarfrestur 08.10.2018 Nánari upplýsingar Ásthildur Guðjohnsen, asthildg@landspitali.is, 543 6210/ 896 2311 Garðar Örn Þórsson, gardarth@landspitali.is, 543 6210 LSH Krabbameinslækningadeild Hringbraut 101 Reykjavík