Sérfræðilæknir í svæfinga- og gjörgæslulækningum

  • Landspítali
  • Hringbraut, 101 Reykjavík
  • 24/09/2018
Fullt starf Heilbrigðisþjónusta

Um starfið

Staða sérfræðilæknis í svæfinga- og gjörgæslulækningum á Landspítala er laust til umsóknar. Starfshlutfall er 100% og veitist starfið 1. janúar 2019.

Við svæfinga- og gjörgæslulækningar, sem heyra undir aðgerðasvið, starfa rúmlega 40 sérfræðilæknar í öflugu þverfaglegu teymi og í nánu samstarfi við aðrar fagstéttir spítalans.
Starfsvettvangur innan spítalans verður fyrst og fremst við Hringbraut en einnig getur komið til vinna á svæfingadeildinni í Fossvogi.

Helstu verkefni og ábyrgð » Sérfræðilæknisstörf í samráði við yfirlækna sérgreinarinnar, s.s. vinna á skurðstofum, gjörgæslu og innskriftarmiðstöð
» Þátttaka í gæsluvöktum og bundnum staðarvöktum samkvæmt vaktafyrirkomulagi sérgreinarinnar
» Þátttaka í kennslu læknanema, unglækna, lækna í sérfræðinámi svo og vísindavinnu í samráði við yfirlækna og prófessor

» Sérfræðilæknisstörf í samráði við yfirlækna sérgreinarinnar, s.s. vinna á skurðstofum, gjörgæslu og innskriftarmiðstöð
» Þátttaka í gæsluvöktum og bundnum staðarvöktum samkvæmt vaktafyrirkomulagi sérgreinarinnar
» Þátttaka í kennslu læknanema, unglækna, lækna í sérfræðinámi svo og vísindavinnu í samráði við yfirlækna og prófessor

Hæfnikröfur » Íslenskt sérfræðileyfi í svæfinga- og gjörgæslulækningum
» Frekari viðbótarnám í svæfinga- og gjörgæslulækningum er kostur en ekki skilyrði (t.d. hjartasvæfingar, barnasvæfingar, gjörgæslulækningar, verkjalækningar)
» Jákvæðni, sveigjanleiki og lipurð í samskiptum
» Reynsla í kennslu og vísindavinnu er æskileg en ekki skilyrði
» Vilji til frekari sérhæfingar í samráði við yfirlækna deildarinnar

» Íslenskt sérfræðileyfi í svæfinga- og gjörgæslulækningum
» Frekari viðbótarnám í svæfinga- og gjörgæslulækningum er kostur en ekki skilyrði (t.d. hjartasvæfingar, barnasvæfingar, gjörgæslulækningar, verkjalækningar)
» Jákvæðni, sveigjanleiki og lipurð í samskiptum
» Reynsla í kennslu og vísindavinnu er æskileg en ekki skilyrði
» Vilji til frekari sérhæfingar í samráði við yfirlækna deildarinnar

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags. Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Starfið auglýst 22. sept. 2018. Vegna uppfærslu í Orra, sem verður ekki aðgengilegur frá kl. 17 fimmtudaginn 11. október til mánudagsmorguns 15. október, er umsóknarfrestur framlengdur til og með 22. október 2018.

Umsókn fylgi vottfestar upplýsingar um nám, fyrri störf, reynslu af kennslu, vísindavinnu og stjórnunarstörfum ásamt sérprentun eða ljósriti af greinum sem umsækjandi kann að hafa birt eða skrifað.

Mat stöðunefndar læknaráðs Landspítala byggist á innsendum umsóknargögnum. Viðtöl verða við umsækjendur og byggir ákvörðun um ráðningu í starfið einnig á þeim.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

ATH. Fylla þarf út lágmarksupplýsingar í almenna umsókn og senda sem viðhengi, en ítarlegri upplýsingar fyllist út í umsókn fyrir læknastöðu, sjá slóð hér fyrir neðan: Umsókn um læknisstöðu - umsóknareyðublað Embættis landlæknis

Starfshlutfall 100% Umsóknarfrestur 22.10.2018 Nánari upplýsingar Kári Hreinsson, karih@landspitali.is, 825 3790 Þórgunnur Hjaltadóttir, torghjal@landspitali.is, 825 5136 LSH Svæfinga- og gjörgæslulækningar H Hringbraut 101 Reykjavík