Deildarstjóri barnaverndar

  • Hafnarfjörður
  • 05/10/2018
Fullt starf Sérfræðingar Skrifstofustörf

Um starfið

Fjölskylduþjónusta Hafnarfjarðar auglýsir eftir öflugum, metnaðarfullum og framsýnum leiðtoga til að stýra barnaverndarstarfi sveitarfélagsins.

Barnavernd Hafnarfjarðar ber ábyrgð á málum sem unnin eru á grundvelli barnaverndarlaga og starfar í umboði barnaverndarnefndar Hafnarfjarðar.

 

Helstu verkefni deildarstjóra barnaverndar:

  • Stjórnunarleg ábyrgð á barnaverndarstarfi í sveitarfélaginu.
  • Ábyrgð á undirbúningi mála fyrir barnaverndarnefnd Hafnarfjarðar og eftirfylgni með framkvæmd.
  • Stefnumótun og umbótastarf.
  • Situr í stjórnendateymi Fjölskylduþjónustunnar og tekur þátt í stefnumótun og forystu við þróun og innleiðingu nýjunga.
  • Sér til þess að fagleg vinnubrögð séu ráðandi í barnaverndarstarfi sveitarfélagsins.

Menntunar- og hæfniskröfur:

  • Háskólamenntun sem nýtist í starfi, framhaldsmenntun er æskileg.
  • Þekking og reynsla af vinnslu barnaverndarmála.
  • Leiðtogahæfileikar og framúrskarandi hæfni í mannlegum samskiptum.
  • Reynsla af stjórnun og umbótastarfi.
  • Þekking á stjórnsýslu og skipulagi barnaverndarstarfs.
  • Frumkvæði og sjálfstæði í vinnubrögðum.
  • Hæfni til að tjá sig í ræðu og riti.

 

Fjölskylduþjónustan býður upp á:

  • Fjölskylduvænan vinnustað
  • Fjölbreytt verkefni á sviði velferðarmála
  • Þverfaglega samvinnu með metnaðarfullu starfsfólki
  • Góðan starfsanda

 

Umsóknarfrestur er til og með 21. október n.k. Öllum umsóknum verður svarað þegar ákvörðun um ráðningu liggur fyrir.

Nánari upplýsingar veitir Rannveig Einarsdóttir, sviðsstjóri Fjölskylduþjónustu Hafnarfjarðar, rannveig@hafnarfjordur.is 

 

Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags.

 

Samkvæmt jafnréttisstefnu Hafnarfjarðarbæjar eru karlar jafnt sem konur hvött til að sækja um starfið.

SKRÁ INN OG SÆKJA UM STARF