STARFSMANNAHJÚKRUNARFRÆÐINGUR

  • Landspítali
  • Eiríksgötu 5, 101 Reykjavík
  • 16/11/2018
Fullt starf / hlutastarf Heilbrigðisþjónusta Skrifstofustörf

Um starfið

Laust er til umsóknar starf hjúkrunarfræðings í mönnunar- og starfsumhverfisdeild mannauðssviðs Landspítala. Starfshlutfall og upphafsdagur starfs er samkomulag, um er að ræða dagvinnu.
Á mannauðssviði eru 3 deildir og vinna starfsmenn sviðsins náið með stjórnendum og starfsmönnum spítalans.

Við viljum ráða öflugan einstakling karl eða konu sem á auðvelt með að vinna í teymi og hefur brennandi áhuga á starfsmannaheilsuvernd og heilsueflingu og vill leggja fram krafta sína til að byggja Landspítala upp sem eftirsóknarverðan og góðan vinnustað. Viðkomandi fær góða starfsaðlögun með reyndum hjúkrunarfræðingi og öðru starfsfólki.

Helstu verkefni og ábyrgð » Vinnu- og heilsuvernd starfsmanna og nema
» Þátttaka í stefnumótun um heilsueflingu og vinnuvernd
» Þátttaka í þverfaglegri teymisvinnu og þróunar- og gæðaverkefnum
» Önnur verkefni samkvæmt ákvörðun stjórnenda sviðsins

» Vinnu- og heilsuvernd starfsmanna og nema
» Þátttaka í stefnumótun um heilsueflingu og vinnuvernd
» Þátttaka í þverfaglegri teymisvinnu og þróunar- og gæðaverkefnum
» Önnur verkefni samkvæmt ákvörðun stjórnenda sviðsins

Hæfnikröfur » Örugg framkoma og framúrskarandi samskiptafærni
» Metnaður, frumkvæði og geta til að starfa sjálfstætt
» Starfsreynsla í hjúkrun
» Íslenskt hjúkrunarleyfi

» Örugg framkoma og framúrskarandi samskiptafærni
» Metnaður, frumkvæði og geta til að starfa sjálfstætt
» Starfsreynsla í hjúkrun
» Íslenskt hjúkrunarleyfi

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags. Tekið er mið af jafnréttisstefnu LSH við ráðningar á spítalanum.
Starfið auglýst 3. nóvember 2018. Umsóknarfrestur framlengdur til og með 26. nóvember 2018.

Umsókn fylgi náms- og starfsferilskrá ásamt afriti af prófskírteinum og starfsleyfi. Umsókn fylgi einnig kynningarbréf með rökstuðningi fyrir hæfni og sýn á starfið. Ákvörðun um ráðningu í starfið byggist á faglegu og stöðluðu matsferli. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall 50 - 100% Umsóknarfrestur 26.11.2018 Nánari upplýsingar Bára Hildur Jóhannsdóttir, barajoha@landspitali.is, 543 1346 LSH Skrifstofa mannauðssviðs Eiríksgötu 5 101 Reykjavík