Hjúkrunarfræðingur HNE-, lýta-, bruna-, og æðaskurðdeild A4 Fossvogi

  • Landspítali
  • Fossvogi, 108 Reykjavík
  • 22/11/2018
Fullt starf / hlutastarf Heilbrigðisþjónusta

Um starfið

Laust er til umsóknar starf hjúkrunarfræðings á HNE-, lýta-, bruna-, og æðaskurðdeild A4. Við bjóðum nýútskrifuðum hjúkrunarfræðingi jafnt sem reynslubolta velkominn í okkar hóp. Hjá okkur ríkir einstaklega góður starfsandi sem einkennist af vinnugleði og metnaði. Áhersla er lögð á framþróun og símenntun starfsfólks.

Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala (sjá myndskeið undir frekari uppl.).

Deildin er 18 rúma bráðadeild og þar er rekin þriggja sérgreina skurðdeild. Þar er sjúklingum sinnt eftir háls-, nef og eyrnaaðgerðir, lýtaaðgerðir, æðaskurðaðgerðir og þar er einnig sérhæfð sáradeild.
Deildin er eina brunadeildin á landinu og sinnir öllum alvarlegri brunaslysum. Hjúkrunarfræðingar deildarinnar hafa sérhæft sig í sárum og sárameðferð. Sjúklingahópurinn er mjög fjölbreyttur og enginn dagur eins.

Við tökum vel á móti nýju fólki og veitum góða einstaklingshæfða aðlögun. Velkomið að kíkja í heimsókn, áhugasamir hafið samband við Ingibjörgu deildarstjóra.

Á deildinni taka flestir hjúkrunarfræðingar þátt í tilraunaverkefni innan Landspítala um sveigjanlegra vinnufyrirkomulag hjúkrunarfræðinga í vaktavinnu, með undirbúnings- og frágangstíma og viðbragðsvöktum sem hluta af vinnuskyldu. Markmið verkefnisins er að bæta mönnun og starfsumhverfi hjúkrunarfræðinga á sólarhringsdeildum í bráðaþjónustu.

Helstu verkefni og ábyrgð » Ákveða, skipuleggja og veita hjúkrunarmeðferð
» Skipuleggja og veita fræðslu til sjúklinga og aðstandenda
» Þátttaka í þverfaglegri teymisvinnu
» Fylgist með nýjungum innan hjúkrunar

» Ákveða, skipuleggja og veita hjúkrunarmeðferð
» Skipuleggja og veita fræðslu til sjúklinga og aðstandenda
» Þátttaka í þverfaglegri teymisvinnu
» Fylgist með nýjungum innan hjúkrunar

Hæfnikröfur » Faglegur metnaður og sjálfstæði í vinnubrögðum
» Jákvætt viðhorf, frumkvæði og góðir samskiptahæfileikar
» Hæfni og geta til að vinna í teymi
» Íslenskt hjúkrunarleyfi

» Faglegur metnaður og sjálfstæði í vinnubrögðum
» Jákvætt viðhorf, frumkvæði og góðir samskiptahæfileikar
» Hæfni og geta til að vinna í teymi
» Íslenskt hjúkrunarleyfi

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags. Tekið er mið af jafnréttisstefnu LSH við ráðningar á spítalanum.

Unnið er í vaktavinnu og er starfshlutfall samkomulag. Starfið er laust 1. janúar 2019, eða fyrr eftir nánara samkomulagi.
Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem tæplega 6.000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur. Handleiðsla og fræðsla á starfsþróunarári (myndskeið)

Starfshlutfall 50 - 100% Umsóknarfrestur 10.12.2018 Nánari upplýsingar Ingibjörg Guðmundsdóttir, ingibjgu@landspitali.is, 824 1573 LSH HNE-, lýta- og æðaskurðdeild Fossvogi 108 Reykjavík