Verkstjóri í matsölum Landspítala

  • Landspítali
  • Hringbraut, 101 Reykjavík
  • 23/11/2018
Fullt starf Heilbrigðisþjónusta

Um starfið

Landspítali auglýsir laust til umsóknar starf verkstjóra í matsölum Landspítala ("ELMA"). Starfshlutfall er 100% og er æskilegt að umsækjandi geti hafið störf sem fyrst eða eftir nánara samkomulagi. Næsti yfirmaður er rekstrarstjóri matsala Landspítala.

Matsalir Landspítala eru staðsettir á 10 stöðum og þjónustar einingin alla starfsmenn spítalans á degi hverjum. Matsalir Landspítalans eru fjölmenningarlegur vinnustaður með um 30 manns í vinnu. Verkstjóri matsala vinnur náið með rekstrarstjóra matsala, hann kemur að rekstri allra matsala spítalans auk þess að gegna mikilvægu hlutverki í þróun á þjónustu og framboðs veitinga til starfsmanna spítalans.

Við leitum að faglegum, hugmyndaríkum og ábyrgum einstakling sem hefur reynslu af verkstjórn í rekstri á matsala og/eða veitingarhúsa. Viðkomandi þarf að búa yfir mikilli þjónustulund, samskiptahæfni og drifkrafti til að byggja upp framúrskarandi þjónustu til viðskiptavina.

Helstu verkefni og ábyrgð » Sameiginleg ábyrgð með rekstrarstjóra á daglegri starfsemi einingarinnar
» Ábyrgð á framþróun þjónustu og framboðs
» Ábyrgð á að sett markmið náist um framúrskarandi þjónustu og ábyrgan rekstur
» Stuðla að jákvæðum starfsanda og starfsumhverfi

» Sameiginleg ábyrgð með rekstrarstjóra á daglegri starfsemi einingarinnar
» Ábyrgð á framþróun þjónustu og framboðs
» Ábyrgð á að sett markmið náist um framúrskarandi þjónustu og ábyrgan rekstur
» Stuðla að jákvæðum starfsanda og starfsumhverfi

Hæfnikröfur » Meistarapróf í matreiðslu
» Reynsla af verkstjórn og rekstri á matvælasviði
» Leiðtogahæfni, drifkraftur og framúrskarandi færni í mannlegum samskiptum
» Fagleg vinnubrögð og skipulagshæfni
» Metnaður, frumkvæði og geta til að starfa sjálfstætt og í teymum

» Meistarapróf í matreiðslu
» Reynsla af verkstjórn og rekstri á matvælasviði
» Leiðtogahæfni, drifkraftur og framúrskarandi færni í mannlegum samskiptum
» Fagleg vinnubrögð og skipulagshæfni
» Metnaður, frumkvæði og geta til að starfa sjálfstætt og í teymum

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá. Öllum umsóknum verður svarað.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem tæplega 6.000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall 100% Umsóknarfrestur 10.12.2018 Nánari upplýsingar Eygló Hlín Stefánsdóttir, eyglohs@landspitali.is, 543 1617 Viktor Ellertsson, viktore@landspitali.is, 543 1517 LSH Matsalur H Hringbraut 101 Reykjavík