Sérfræðingur í kerfisstjórn/DevOps

  • Veðurstofa Íslands
  • 11/01/2019
Fullt starf Sérfræðingar Upplýsingatækni

Um starfið

Veðurstofa Íslands óskar eftir að ráða sérfræðing í kerfisstjórn/DevOps, til að sinna rekstri, viðhaldi og rekstrarþróun á sérhæfðum miðlægum kerfum Veðurstofunnar. Viðkomandi mun starfa á upplýsingatæknisviði í DevOps hópi.

Helstu verkefni og ábyrgð
Meðal verkefna kerfisstjóra/Devops er að taka við hugbúnaðarkerfum sem eru keyrandi og í stöðugu ástandi og setja í rekstur. Viðkomandi er einnig hluti af teymi sem vinnur markvisst að því að einfalda rekstur á núverandi hugbúnaði og kerfum sem tengjast ólíkum fagsviðum Veðurstofunnar. Kerfisstjóri/Devops tekur að auki þátt í þróunarvinnu með það að markmiði að tryggja rekstrarþætti hugbúnaðarlausnar/ kerfis, ásamt því að lagfæra eða aðlaga minni hugbúnaðarlausnir að þörfum Veðurstofunnar.

Hæfnikröfur
Háskólamenntun á sviði tölvunar eða kerfisfræði
Farsæl reynsla af hugbúnaðar- og kerfisþróun
Kunnátta á Linux umhverfi
Þekking á helstu forritunarmálum s.s. Python, JavaScript
Þekking á sjálfvirkum prófunum og eftirliti er kostur
Þekking á stöðugri framteflingu og sýndarumhverfum (s.s. Gitlab CI/CD, Docker, VMWare)
Þekking á gagnagrunnskerfum (notkun, uppsetning, og rekstur) er kostur
Nákvæmni og skipulögð vinnubrögð
Gott vald á íslensku og ensku

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Gildi Veðurstofunnar eru þekking, áreiðanleiki, framsækni og samvinna. Ráðningar hjá stofnuninni munu taka mið af þessum gildum.

Veðurstofa Íslands er opinber stofnun sem heyrir undir umhverfis- og auðlindaráðuneytið. Hjá stofnuninni starfa um 140 manns með fjölbreytta menntun og starfsreynslu sem spannar mörg fræðasvið. Auk þess starfa um 70 manns við athugana- og eftirlitsstörf víðsvegar um landið. Hlutverk stofnunarinnar er öflun, varðveisla og úrvinnsla gagna, sem og miðlun upplýsinga á helstu eðlisþáttum jarðarinnar, þ.e. lofti, vatni, jörð, snjó, jöklum og hafi. Starfsemin fer fram á fimm sviðum: Eftirlits- og spásviði, Fjármála- og rekstrarsviði, Athugana- og tæknisviði og Úrvinnslu- og rannsóknasviði. Nánari upplýsingar um stofnunina má finna á heimasíðu hennar www.vedur.is

Starfshlutfall er 100%
Umsóknarfrestur er til og með 28.01.2019

Nánari upplýsingar veitir
Borgar Ævar Axelsson - borgar@vedur.is - 5226000