Sérfræðingur í kerfisstjórn/sérkerfi

  • Veðurstofa Íslands
  • 11/01/2019
Fullt starf Sérfræðingar Upplýsingatækni

Um starfið

Veðurstofa Íslands óskar eftir að ráða sérfræðing í kerfisstjórnun, til að sinna viðhaldi og rekstri á sérhæfðum miðlægum kerfum Veðurstofunnar, sem og taka þátt í hönnun og þróun á þeim. Viðkomandi mun starfa á Upplýsingatæknisviði Veðurstofu Íslands.

Helstu verkefni og ábyrgð
Veðurstofan rekur mörg krefjandi og sérhæfð upplýsingatæknikerfi í 24/7 umhverfi. Sérfræðingurinn er hluti af öflugu teymi og kemur til með að hafa umsjón með, setja upp, prófa og í sumum tilfellum reka kerfin. Starfið felur í sér kerfishönnun, skjölun og þátttöku í þróunarferlum, ásamt því að koma kerfum/ hugbúnaði í rekstur. Viðkomandi sér um samskipti við þjónustuaðila ef svo ber undir og getur þurft að sinna bakvöktum

Hæfnikröfur
Menntun og/eða farsæl reynsla á sviði tölvunar- eða kerfisfræði
Farsæl reynsla af umsjón, rekstri og afritun stýrikerfa
Hæfni í kerfislæsi, þ.e. hæfni til að fá fljótt örugga yfirsýn yfir flókin kerfi/verkefni
Þekking á rekstri sýndarumhverfis (VMware)
Reynsla af kerfishönnun er æskileg
Þekking á stöðugri framteflingu er kostur
Þekking á sjálfvirkum prófunum og eftirliti er kostur
Þekking á gagnagrunnskerfum (notkun, uppsetning, og rekstur) er kostur
Þekking á netkerfum og fjarskiptum er kostur
Kunnátta í forritun er kostur
Frumkvæði, hæfni í mannlegum samskiptum og teymisvinnu
Gott vald á íslensku og ensku

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Gildi Veðurstofunnar eru þekking, áreiðanleiki, framsækni og samvinna. Ráðningar hjá stofnuninni munu taka mið af þessum gildum.

Starfshlutfall er 100%
Umsóknarfrestur er til og með 28.01.2019

Nánari upplýsingar veitir
Borgar Ævar Axelsson - borgar@vedur.is - 5226000