Sérfræðingur í stafrænni persónuvernd

  • Reykjavíkurborg
  • , Tjarnargötu 11
  • 05/02/2019
Fullt starf Lögfræði Sérfræðingar Upplýsingatækni

Um starfið

Skrifstofa þjónustu og reksturs

Reykjavíkurborg auglýsir eftir sérfræðingi í persónuvernd með brennandi áhuga tækni og stafrænum miðlum.

 

Viðkomandi mun vinna að innleiðingu og framfylgd laga um persónuvernd og vinnslu persónuupplýsinga, nr. 90/2018. Meðal verkefna sérfæðingsins er áhættugreining og trygging á upplýsingaöryggi og réttri meðferð persónugreinanlegra gagna í samstarfi við starfsmenn og aðra sérfræðinga Reykjavíkurborgar.

 

Um er að ræða nýtt starf og hefur viðkomandi starfsmaður tækifæri til að útfæra, móta og þróa starfið. Starfið er hluti af stafrænni vegferð Reykjavíkurborgar og allsherjar umbreytingu á þjónustu hennar. Í boði er fjölskylduvænn, fjölbreyttur og lifandi vinnustaður sem býður upp á skemmtilegt starfsumhverfi.

 

Helstu verkefni og ábyrgð

  • Innleiðing og eftirfylgni persónuverndarstefnu í upplýsingatækni- og þjónustuumhverfi Reykjavíkurborgar.
  • Ráðgjöf um val á eða breytingu á kerfum, ferlum eða vefjum.
  • Þátttaka í setningu og eftirfylgni árangursmarkmiða borgarinnar.
  • Þátttaka í endurskoðun og gerð ferla.
  • Þátttaka í innleiðingu og viðhaldi innra skýrslugerðakerfis.
  • Samstarf við aðra persónuverndarfulltrúa borgarinnar vegna málefna er varða persónuvernd og meðferð gagna.

Hæfniskröfur

  • Háskólamenntun sem nýtist í starfi, t.d. á sviði upplýsingatækni eða lögfræði.
  • Þekking og skilningur á upplýsingatæknimálum og upplýsingaöryggi.
  • Áhugi á stafrænni tækni og áskorunum er henni fylgja.
  • Þekking á lögum um persónuvernd og vinnslu persónuupplýsinga nr. 90/2018 svo og reglugerð Evrópuþingsins og ráðsins (ESB) nr. 2016/679.
  • Þekking á opinberri stjórnsýslu er kostur.
  • Góð íslensku- og enskukunnátta í ræðu og riti.
  • Hæfni í mannlegum samskiptum.
  • Sjálfstæði og frumkvæði í starfi.

Frekari upplýsingar um starfið

Laun eru samkvæmt samningi Reykjavíkurborgar og hlutaðeigandi stéttarfélagi.

Starfshlutfall: 100%
Umsóknarfrestur: 20.2.2019
Ráðningarform: Ótímabundin ráðning
Nafn sviðs: Skr. þjónustu og reksturs

Nánari upplýsingar um starfið veitir Óskar Jörgen Sandholt í síma 411 1058 og tölvupósti oskar.j.sandholt@reykjavik.is.


Tjarnargötu 11
101 Reykjavík