Skurðhjúkrunarfræðingur - Skurðstofur Fossvogi

  • Landspítali
  • Fossvogi, 108 Reykjavík
  • 11/02/2019
Fullt starf / hlutastarf Heilbrigðisþjónusta

Um starfið

Skurðhjúkrunarfræðingur óskast til starfa á skurðstofur í Fossvogi. Starfið er laust frá 1. júlí 2019 eða eftir nánari samkomulagi. Í boði er áhugavert starf með góðu samstarfsfólki þar sem unnið er í dagvinnu, stöku kvöldvaktir auk bakvakta samkvæmt vaktskipulagi deildar eftir að þjálfun lýkur. Til greina kemur að ráða hjúkrunarfræðing sem hefur áhuga á námi í skurðhjúkrun og nýútskrifaðir hjúkrunarfræðingar eru velkomnir.

Á deildinni eru 8 skurðstofur sem þjóna 5 sérgreinum og árlega eru framkvæmdar þar um 6000 aðgerðir. Á deildinni starfa um 90 manns, hjúkrunarfræðingar, sjúkraliðar, sótthreinsitæknar, skrifstofumenn og sérhæfðir starfsmenn við fjölbreytt og krefjandi verkefni, sem unnin eru í nánu samstarfi við fagfólk í öðrum sérgreinum. Gagnreynd þekking, viðurkenndir verkferlar, öryggi sjúklinga og teymisvinna eru höfð í fyrirrúmi. Í boði er einstaklingsaðlöguð þjálfun eftir þörfum hvers og eins á skemmtilegum vinnustað.

Helstu verkefni og ábyrgð » Einstaklingshæfð hjúkrun við undirbúning, framkvæmd og skil í skurðaðgerðum samkvæmt skipulagi deildar
» Ákveður, skráir og veitir hjúkrunarmeðferð í samráði við þarfir skjólstæðinga og ber ábyrgð á meðferð, samkvæmt starfslýsingu og vinnureglum deildar

» Einstaklingshæfð hjúkrun við undirbúning, framkvæmd og skil í skurðaðgerðum samkvæmt skipulagi deildar
» Ákveður, skráir og veitir hjúkrunarmeðferð í samráði við þarfir skjólstæðinga og ber ábyrgð á meðferð, samkvæmt starfslýsingu og vinnureglum deildar

Hæfnikröfur » Íslenskt hjúkrunarleyfi
» Sérnám í skurðhjúkrun en til greina kemur að ráða hjúkrunarfræðing sem hefur áhuga á námi í skurðhjúkrun
» Faglegur metnaður
» Góð samskiptahæfni og lipurð í mannlegum samskiptum
» Sjálfstæði í vinnubrögðum

» Íslenskt hjúkrunarleyfi
» Sérnám í skurðhjúkrun en til greina kemur að ráða hjúkrunarfræðing sem hefur áhuga á námi í skurðhjúkrun
» Faglegur metnaður
» Góð samskiptahæfni og lipurð í mannlegum samskiptum
» Sjálfstæði í vinnubrögðum

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og viðtölum. Öllum umsóknum verður svarað.

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall 80 - 100% Umsóknarfrestur 25.02.2019 Nánari upplýsingar Ólafur Guðbjörn Skúlason, olafursk@landspitali.is, 824 5118 LSH Skurðstofur F - rekstur Fossvogi 108 Reykjavík