Forstöðumaður Gerðasafns

  • Kópavogsbær
  • 11/03/2019
Fullt starf Hönnun/Arkitektúr Menning og listir Stjórnendur

Um starfið

Kópavogsbær leitar eftir öflugum leiðtoga til að stýra Gerðarsafni inn í nýja tíma.

Gerðarsafn var reist í minningu Gerðar Helgadóttur mynd­höggvara og er ætlað að varðveita safneign Gerðar og listaverkaeign Kópavogsbæjar auk þess að safna verkum og miðla þeim í samræmi við menningar­stefnu Kópavogsbæjar, safnalög og siðareglur Alþjóðaráðs safna (ICOM). 

Gerðarsafn er eitt af fimm menningarhúsum Kópavogs, en þau starfa náið saman að skipulagningu viðburða og hátíða undir stjórn forstöðumanns menningarmála í Kópavogi. 
Ráðið er í starfið til fimm ára í senn

Helstu verkefni

  • Mótar listræna stefnu Gerðarsafns og ber ábyrgð á metnaðarfullu sýninga- og viðburðahaldi
  • Ber ábyrgð á rekstri safnsins, safnverslunar og samskiptum við rekstraraðila í veitingasölu
  • Hefur frumkvæði að miðlun sýninga og viðburðum gagnvart almenningi og skólahópum
  • Ber ábyrgð á safneign Gerðarsafns og listaverkaeign Kópavogsbæjar
  • Ber ábyrgð á söfnunar- og innkaupastefnu samkvæmt reglum lista- og menningarráðs
  • Undirbýr fjárhags-, launa- og rekstraráætlun safnsins
  • Ber ábyrgð á öflun sértekna og styrkja
  • Þátttaka í almennri stefnumótun menningarmálaflokksins
  • Annast samskipti og sinnir samstarfi við aðrar menningarstofnanir bæjarfélagsins 

Menntunar- og hæfniskröfur

  • Háskólamenntun sem nýtist í starfi
  • Haldbær þekking á myndlist og reynsla af lista- og menningarstarfi
  • Reynsla af rekstri og stjórnun æskileg
  • Reynsla af sýningastjórnun æskileg
  • Hugmyndaauðgi, listrænt innsæi, frumkvæði og metnaður til að ná árangri í starfi
  • Jákvætt viðmót og lipurð í mannlegum samskiptum
  • Geta til að vinna undir álagi í fjölbreyttum verkefnum
  • Færni til að setja fram mál í ræðu og riti á íslensku og ensku

 Frekari upplýsingar

Stjórn menningarmálaflokksins heyrir undir lista- og menningarráð Kópavogsbæjar.

Nánari upplýsingar um starfið veitir Soffía Karlsdóttir, forstöðumaður menningarmála í síma 441 7606. 

Einungis er hægt að sækja um starfið í gegnum ráðningarvef Kópavogsbæjar og skal umsókn fylgja ítarleg ferilskrá og kynningarbréf þar sem gerð er grein fyrir listrænni sýn og hæfni umsækjanda í starfið.