Auglýst er eftir öflugum verkstjóra með ríka þjónustulund

  • Landspítali
  • 13/03/2019
Fullt starf Heilbrigðisþjónusta Stjórnendur Verslun og þjónusta Önnur störf

Um starfið

Þjónustudeild rekstrarsviðs Landspítala auglýsir laust til umsóknar starf verkstjóra flutningaþjónustu á Landspítala. Starfsstöð er á spítalanum við Hringbraut.

Í þjónustudeild rekstarsviðs starfa um 50 manns að fjölbreyttri og mikilvægri þjónustu við deildir, sjúklinga og gesti spítalans. Flutningaþjónustan er hluti þjónustunnar sem þjónustudeild veitir. Þar sjá um 30 manns um flesta innri flutninga á spítalanum. Helstu verkefni felast m.a. í flutningi sjúklinga milli deilda, flutningi á sýnum, blóðeiningum, pósti, hraðsendingum. Einingin sér einnig um að dreifa vörum og líni til deilda og hirða frá þeim sorp og lín, ásamt rúmaþjónustu en í henni felst þrif, sótthreinsun og uppábúningur rúma.

Verkstjóri ber ábyrgð á daglegri þjónustu og mönnun hennar. Hann stuðlar að góðum starfsanda og góðri og öruggri þjónustu sem deildir spítalans geta stólað á. Hann greinir frávik í þjónustu og leitar leiða til að þau endurtaki sig ekki. Hann tekur á frammistöðu, mætingum og framkomu en á um leið auðvelt með að hrósa starfsmönnum fyrir vel unnin störf.

Leitað er að kraftmiklum og þjónustulunduðum einstaklingi sem á auðvelt með mannleg samskipti og hefur ríka gæðahugsun. Reynsla af verkstjórn og gæðamálum er æskileg. 
Við bjóðum líflegt starf hjá traustum vinnuveitanda, góðan starfsanda, gott mötuneyti og öflugt starfsmannafélag. Starfið er laust eftir samkomulagi. Við hvetjum konur jafnt sem karla til að sækja um.

Helstu verkefni og ábyrgð

» Ábyrgð á daglegri þjónustu
» Gæðamál og eftirfylgni umbótaverkefna
» Samskipti við viðskiptavini
» Mönnun þjónustunnar, skráningar vinnutíma, skipulagning vakta

Hæfnikröfur

» Hæfni í mannlegum samskiptum
» Mikil þjónustulund
» Góð íslenskukunnátta
» Rík gæða- og þjónustuhugsun
» Reynsla af verkstjórn og gæðamálum æskileg

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags. Tekið er mið af jafnréttisstefnu LSH við ráðningar á spítalanum. Öllum umsóknum verður svarað. 

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.   STARFSHLUTFALL 100% UMSÓKNARFRESTUR 01.04.2019   NÁNARI UPPLÝSINGAR Geir Þórðarson, geirtho@landspitali.is, 825 5177