Tvær lausar stöður umsjónarkennara á unglingastigi við Þelamerkurskóla

  • Þelamerkurskóli
  • 15/03/2019
Fullt starf Kennsla

Um starfið

Við Þelamerkurskóla eru lausar til umsóknar tvær stöður umsjónarkennara á unglingastigi í eitt ár vegna leyfa. Óskað er eftir að ráða fjölhæfa, sveigjanlega og skapandi grunnskólakennara með mikla hæfni í samskiptum við unglinga. Umsjónarkennararnir tveir vinna saman í teymi með einn námshóp 8.-10. bekkinga. Í skólanum eru samtals 73 nemendur sem skiptast í þrjá námshópa.

Í Þelamerkurskóla er starfað með markvissum hætti í anda skóla án aðgreiningar. Einkunnarorð skólans eru þroski, menntun og samkennd. Hann starfar eftir hugmyndafræði Jákvæðs aga og heilsueflandi skóla auk þess sem ýmis þróunarverkefni hafa skipað stóran sess í skólastarfinu. Á unglingastiginu hafa rafrænir kennsluhættir verið innleiddir af krafti og vinna nemendur mikið til í gegnum Google umhverfið.

Helstu verkefni
• Annast almenna umsjón með nemendum í 8.-10. bekk
• Kennsla í íslensku, stærðfræði, ensku, lífsleikni, samfélagsgreinum og upplýsingatækni
• Stuðla að velferð nemenda í góðu samstarfi við foreldra/forráðamenn og stoðþjónustu innan skólans sem utan og vinna í tveggja umsjónarkennara teymi.

Menntunar- og hæfniskröfur
• Kennaramenntun og leyfi til að nota starfsheitið grunnskólakennari
• Lipurð í samskiptum og sveigjanleiki í starfi
• Áhugi á og færni í samskiptum við ungt fólk
• Færni í samvinnu og teymisvinnu
• Frumkvæði og sjálfstæð vinnubrögð

Við hvetjum konur jafnt sem karla til að sækja um störf við skólann. Ráðið er í stöðurnar til eins árs frá 1. ágúst 2019. Umsóknarfrestur er t.o.m. 7. apríl 2019.

Ferilskrá og umsókn skal senda á netfang skólastjóra ragnheidurlilja@ thelamork.is Upplýsingar um Þelamerkurskóla er að finna á heimasíðu skólans, https://www.thelamork.is/ Frekari upplýsingar veitir Ragnheiður Lilja Bjarnadóttir, skólastjóri, ragnheidurlilja@thelamork.is og sími 460-1770/866-4085