Hjúkrunarfræðingur - Við gætum verið að leita að þér

  • Landspítali
  • , 108 Reykjavík
  • 04/04/2019
Fullt starf / hlutastarf Heilbrigðisþjónusta

Um starfið

Ertu góður liðsmaður og langar þig að starfa í starfsumhverfi þar sem góður starfsandi er ríkjandi og áhersla er á samvinnu, virðingu og jákvætt og hvetjandi starfsumhverfi?
Við erum að leita eftir fleiri hjúkrunarfræðingum í okkar góða lið. Sækjumst eftir reynsluboltum sem og nýútskrifuðum, því við teljum gott að hafa breidd í þekkingu og reynslu.

Lungnadeild er bráðalegudeild með hágæslurýmum og eina sérhæfða lungnadeildin á landinu. Þjálfun og fræðsla er í fyrirrúmi á deildinni og mörg námstækifæri. Á deildinni starfa um 70 manns í þverfaglegu teymi. Við leggjum okkur fram við að þjónustan við skjólstæðinga okkar sé til fyrirmyndar, öryggi þeirra sé tryggt og að þeim sé sýnd hlýja og umhyggja.

Við tökum vel á móti nýju fólki og lofum góðri aðlögun. Velkomið að kíkja í heimsókn, áhugasamir hafi samband við Guðrúnu Árnýju deildarstjóra.

Á deildinni taka flestir hjúkrunarfræðingar þátt í tilraunaverkefni innan Landspítala um sveigjanlegra vinnufyrirkomulag hjúkrunarfræðinga í vaktavinnu, með undirbúnings- og frágangstíma og viðbragðsvöktum sem hluta af vinnuskyldu. Markmið verkefnisins er að bæta mönnun og starfsumhverfi hjúkrunarfræðinga á sólarhringsdeildum í bráðaþjónustu.

Helstu verkefni og ábyrgð » Að veita einstaklingshæfða hjúkrun, ráðgjöf og stuðning til einstaklinga og aðstandenda þeirra sem leita til lungnadeildar til greiningar, rannsókna og/ eða meðferðar vegna einkenna frá öndunarfærum

» Að veita einstaklingshæfða hjúkrun, ráðgjöf og stuðning til einstaklinga og aðstandenda þeirra sem leita til lungnadeildar til greiningar, rannsókna og/ eða meðferðar vegna einkenna frá öndunarfærum

Hæfnikröfur » Jákvætt viðhorf, frumkvæði og samskiptahæfni
» Sjálfstæði í vinnubrögðum og faglegur metnaður
» Hæfni og geta til að vinna í teymi
» Góð reynsla er kostur
» Íslenskt hjúkrunarleyfi

» Jákvætt viðhorf, frumkvæði og samskiptahæfni
» Sjálfstæði í vinnubrögðum og faglegur metnaður
» Hæfni og geta til að vinna í teymi
» Góð reynsla er kostur
» Íslenskt hjúkrunarleyfi

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Störfin eru laus nú þegar eða eftir samkomulagi. Unnið er í vaktavinnu og er möguleiki á föstum næturvöktum. Starfshlutfall og vinnufyrirkomulag er samkomulagsatriði. Um er að ræða 4 stöðugildi.

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall 50 - 100% Umsóknarfrestur 24.04.2019 Nánari upplýsingar Guðrún Árný Guðmundsdóttir, gudrgudm@landspitali.is, 824 6019 Elín Karitas Bjarnadóttir, elinkbja@landspitali.is, 543 6670 LSH Lungnadeild Fossvogi 108 Reykjavík