TÆKNISTJÓRI HLJÓMAHALLAR

  • Hljómahöll
  • Hljómahöll, Hjallavegur, Keflavík, Ísland
  • 12/04/2019
Fullt starf Iðnaðarmenn Menning og listir Verslun og þjónusta Önnur störf

Um starfið

Hljómahöll óskar eftir reynslumiklum og fjölhæfum einstaklingi með ríka þjónustulund í fullt starf.

Tæknistjóri Hljómahallar ber ábyrgð á öllum tæknimálum í Hljómahöll og stýrir þar öflugu liði tæknimanna. Hann hefur umsjón með tæknimálum sem snerta Rokksafn Íslands, fundar-, ráðstefnu- og tónleikahald í húsinu. Auk þess falla önnur tæknimál hússins undir ábyrgð tæknistjóra s.s. aðgangsstýringakerfi, myndavélakerfi, hússtjórnunarkerfi o.fl. Viðkomandi þarf að hafa hafa brennandi áhuga og metnað fyrir starfi sínu og jafnframt vera óhræddur við að axla ábyrgð.

Hlutverk og ábyrgðarsvið

  • Umsjón með og ábyrgð á öllum tæknimálum Hljómahallar
  • Samskipti við viðskiptavini vegna undirbúnings tæknimála á viðburðum
  • Umsjón með mönnun annarra tæknimanna á viðburðum
  • Umsjón með utanumhaldi og viðhaldi tækjabúnaðar hússins
  • Aðstoð við innkaup á tækjabúnaði í samráði við framkvæmdastjóra
  • Önnur tilfallandi verkefni í samráði við framkvæmdastjóra

Hæfniskröfur

  • Þriggja ára reynsla að lágmarki af tæknimálum á tónleikum, ráðstefnum og fundum eða  sambærileg reynsla
  • Framúrskarandi þjónustulund og mikil hæfni í mannlegum samskiptum
  • Reynsla af hljóðvinnslu á fundum, ráðstefnum og tónleikum
  • Reynsla af verkefnastjórnun
  • Þekking á helsta hljóð- og ljósabúnaði fyrir sviðslistir og yfirgripsmikil tölvukunnátta
  • Metnaður, frumkvæði í starfi og hæfileiki til að geta unnið vel undir álagi
  • Hæfni til þess að miðla reynslu og þekkingu sinni
  • Hæfni til að hafa yfirsýn yfir mörg verkefni samtímis
  • Þekking á QLab, ProTools og Office-pakkanum
  • Góð íslensku- og ensku kunnátta, bæði í töluðu og rituðu máli
  • Tæknimenntun sem nýtist í starfi er kostur

Um Hljómahöll

Hljómahöll er tónlistarhús í Reykjanesbæ sem var formlega opnað 5. apríl 2014. Húsið er mikilvægur vettvangur fjölskrúðugs mannlífs, ráðstefnuhalds, funda og menningarviðburða í bæjarfélaginu. Hið sögufræga félagsheimili Stapi er hluti af Hljómahöll og auk þess er Rokksafn Íslands staðsett í húsinu en því er ætlað að verða aðdráttarafl fyrir innlenda og erlenda ferðamenn sem vilja kynnast og upplifa popp- og rokksögu Íslands. Aðrir salir eru t.d. tónleikasalurinn Berg, fundar- og veislusalurinn Merkines og bíósalurinn Félagsbíó. Í húsi Hljómahallar er Tónlistarskóli Reykjanesbæjar einnig með glæsilega aðstöðu til kennslu.

Umsókninni um starfið þarf að fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Upplýsingar gefur Tómas Young, framkvæmdastjóri Hljómahallar (tomas@hljomaholl.is)

Umsóknarfrestur til: 28. apríl 2019