Hjúkrunarfræðingur óskast á meltingar- og nýrnadeild

  • Landspítali
  • , 101 Reykjavík
  • 14/05/2019
Fullt starf / hlutastarf Heilbrigðisþjónusta

Um starfið

Við viljum ráða hjúkrunarfræðing til starfa á meltingar- og nýrnadeild 12E við Hringbraut. Deildin er 19 rúma legudeild og þjónar sjúklingum með bráða og langvinna sjúkdóma í meltingarfærum og nýrum. Lögð er áhersla á að skapa uppbyggjandi starfsumhverfi og veita einstaklingshæfða hjúkrun.

Á deildinni starfa um 60 manns í þverfaglegu teymi. Mjög góður starfsandi er ríkjandi og ótalmörg tækifæri eru til að vaxa í starfi. Við vinnum markvisst að því að gera deildina okkar betri og fögnum nýjum hugmyndum.
Velkomið að kíkja í heimsókn á deildina, áhugasamir hafi samband við Kristínu deildarstjóra.

Deildin er þátttakandi í tilraunaverkefni innan Landspítala um sveigjanlegra vinnufyrirkomulag hjúkrunarfræðinga í vaktavinnu, með undirbúnings- og frágangstíma og viðbragðsvöktum sem hluta af vinnuskyldu. Markmið verkefnisins er að bæta mönnun og starfsumhverfi hjúkrunarfræðinga á sólarhringsdeildum í bráðaþjónustu.

Helstu verkefni og ábyrgð » Sérhæfð hjúkrun meltingar- og nýrnasjúklinga
» Skipuleggja hjúkrun sjúklinga og skrá meðferðir í samræmi við reglur LSH
» Fylgjast með nýjungum í faginu
» Þátttaka í þverfaglegri teymisvinnu

» Sérhæfð hjúkrun meltingar- og nýrnasjúklinga
» Skipuleggja hjúkrun sjúklinga og skrá meðferðir í samræmi við reglur LSH
» Fylgjast með nýjungum í faginu
» Þátttaka í þverfaglegri teymisvinnu

Hæfnikröfur » Góð samskiptahæfni
» Faglegur metnaður
» Íslenskt hjúkrunarleyfi

» Góð samskiptahæfni
» Faglegur metnaður
» Íslenskt hjúkrunarleyfi

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags. Tekið er mið af jafnréttisstefnu LSH við ráðningar á spítalanum.

Starfið er laust nú þegar eða eftir samkomulagi. Starfshlutfall og vinnutími samkomulagsatriði en fastar næturvaktir koma vel til greina.
Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall 60 - 100% Umsóknarfrestur 03.06.2019 Nánari upplýsingar Kristín Lilja Svansdóttir, kristsva@landspitali.is, 543 6103 Þórdís Ágústa Ingólfsdóttir, thoring@landspitali.is, 824 5480 LSH Meltingar- og nýrnadeild Hringbraut 101 Reykjavík