Íþróttafræðingur Geðheilsuteymi HH

  • Heilsugæslan
  • 31/05/2019
Fullt starf Kennsla Líkamsrækt

Um starfið

Heilsugæsla höfuðborgarsvæðisins leitar eftir íþróttafræðing við Geðheilsuteymi Heilsugæslu höfuðborgarsvæðisins. Um er að ræða nýtt 100% ótímabundið starf þar sem unnið er þvert á geðheilsuteymin. Æskilegt er að viðkomandi geti hafið störf 1.september eða eftir nánara samkomulagi.

Við Geðheilsuteymin starfa geðlæknar, geðhjúkrunarfræðingar, sálfræðingar, félagsráðgjafar, sjúkraliði, fjölskyldufræðingur, þjónustufulltrúar og notendafulltrúar.

Ef þú hefur áhuga á að taka þátt í þróun samfélagsgeðþjónustu, þá er þetta spennandi tækifæri. Unnið er eftir batahugmyndafræði þar sem einstaklingsmiðuð þjónusta ýtir undir styrkleika og bjargráð notanda.

Helstu verkefni og ábyrgð
- Fjölbreytt meðferðarstarf með áherslu á hreyfingu og lífsstíl 
- Virk þátttaka í fjölbreyttu fræðslustarfi
- Umsjón, eftirfylgd og hvatning með einstaklingsmiðuðum áætlunum
- Leiðbeinir og þjálfar notendur í heilsueflandi lífsstíl
- Skipuleggur og heldur námskeið fyrir notendur geðheilsuteyma
- Vinna í þverfaglegu teymi
- Þátttaka í þróun og uppbyggingu heilsuráðgjafar í geðheilsuteymum
- Samstarf við aðrar stofnanir, fyrirtæki, úrræði og samtök
- Önnur tilfallandi verkefni 

Hæfnikröfur
-Íþróttafræði eða sambærileg háskólamenntun 
- 3-5 ára reynsla sambærilegu starfi 
- Hæfni til að vinna með einstaklinga og hópa
- Faglegur metnaður og áhugi á uppbyggingu heilsuráðgjafar í geðheilsuteymum
-Sjálfstæði, frumkvæði og lausnarmiðuð nálgun í starfi
- Reynsla og áhugi á þverfaglegri teymisvinnu
- Mikil samskiptahæfni, lipurð og sveigjanleiki í samskiptum
- Góð íslenskukunnátta og góð almenn tölvukunnátta skilyrði

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Fræðagarður hafa gert.
Umsókn skal fylgja ítarleg náms- og starfsferilsskrá. Jafnframt skal leggja fram leyfisbréf og staðfestar upplýsingar um menntun. 

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði. 

Starfshlutfall er 100%
Umsóknarfrestur er til og með 18.06.2019

Nánari upplýsingar veitir
Hrönn Harðardóttir - hronn.hardardottir@heilsugaeslan.is - 513-6360
Sigríður Hrönn Bjarnadóttir - sigridur.hronn.bjarnadottir@heilsugaeslan.is - 513-6320