Hefur þú áhuga á menningu og markaðsmálum?

  • Kópavogsbær
  • Kópavogur, Ísland
  • 11/06/2019
Fullt starf Menning og listir Stjórnendur

Um starfið

Yfirstjórn menningarmála í Kópavogi leitar eftir markaðsdrifnum og menningarsinnuðum einstaklingi til að taka að sér að stýra nýju starfi kynningar- og markaðsstjóra menningarmála.

Starfsmaðurinn vinnur náið með forstöðumanni menningarmála og forstöðumönnum menningarhúsa Kópavogs sem eru Bókasafn Kópavogs, Náttúrufræðistofa Kópavogs, Gerðarsafn, Héraðsskjalasafn Kópavogs og Salurinn. Húsin sameinast um fjölbreytta dagskrá svo sem Fjölskyldustundir á laugardögum, Menningu á miðvikudögum, ólíkar hátíðir auk dagskrár fyrir skólahópa og sumarnámskeið fyrir börn í því skyni að efla samfélagið.

Um er að ræða skapandi og krefjandi starf í líflegu umhverfi. Starfið er nýtt og mun starfs­maður hafa mótandi áhrif á það í samráði við forstöðumann menningarmála.

 Helstu verkefni

  • Stjórn markaðs- og kynningarmála 
  • Þróun stafrænnar miðlunar og markaðssetningar
  • Yfirumsjón með heimasíðu og samfélagsmiðlum
  • Samskipti við fjölmiðla, hönnuði og hagsmunaaðila
  • Markaðssetning gagnvart innlendum og erlendum ferðamönnum
  • Gerð rekstrar- og starfsáætlunar og eftirfylgni hennar

Menntunar- og hæfniskröfur

  • Háskólapróf sem nýtist í starfi
  • Reynsla af kynningar- og markaðsmálum
  • Staðgóð þekking og reynsla af stafrænni markaðssetningu og miðlun á samfélagsmiðlum
  • Þekking eða reynsla af starfsemi innan menningarstofnunar er kostur
  • Frumkvæði og sjálfstæð vinnubrögð
  • Skapandi og lausnamiðuð nálgun
  • Jákvætt viðmót og framúrskarandi samskiptahæfni
  • Geta til að vinna undir álagi og í fjölbreyttum verkefnum á sama tíma
  • Mjög góð íslensku- og enskukunnátta í ræðu og riti

Nánari upplýsingar um starfið veitir Soffía Karlsdóttir, forstöðu­maður menningarmála.

Laun eru samkvæmt kjarasamningi Launanefndar sveitarfélaga og viðkomandi stéttarfélags.