Hjúkrunarfræðingur óskast göngudeild taugasjúkdóma

  • Landspítali
  • , 108 Reykjavík
  • 16/08/2019
Fullt starf / hlutastarf Heilbrigðisþjónusta

Um starfið

Við sækjumst eftir öflugum hjúkrunarfræðingi til starfa á göngudeild taugasjúkdóma. Á deildinni er veitt sérhæfð göngudeildarþjónusta við sjúklinga með taugasjúkdóma á borð við blóðrásartruflanir í heila, hreyfitaugungahrörnun (MND), heila- og mænusigg (MS), flogaveiki og Parkinsonsjúkdóm. Starfið er laust frá 1. október 2019 eða eftir nánara samkomulagi.

Á göngudeildinni gefst einstakt tækifæri til að sérhæfa sig í hjúkrun sjúklinga með taugasjúkdóma. Lögð er áhersla á símenntun starfsfólks og þróunar- og rannsóknarvinnu.
Við tökum vel á móti nýju fólki og veitum góða aðlögun. Velkomið að kíkja í heimsókn og fá nánari upplýsingar um starfsemina, áhugasamir hafi samband við Guðrúnu deildarstjóra.

Helstu verkefni og ábyrgð » Sérhæfð hjúkrun taugasjúklinga
» Ákveða, skipuleggja og veita hjúkrunarmeðferð
» Skrá hjúkrun í samræmi við reglur LSH
» Fylgjast með nýjungum í faginu
» Þátttaka í þverfaglegri teymisvinnu

» Sérhæfð hjúkrun taugasjúklinga
» Ákveða, skipuleggja og veita hjúkrunarmeðferð
» Skrá hjúkrun í samræmi við reglur LSH
» Fylgjast með nýjungum í faginu
» Þátttaka í þverfaglegri teymisvinnu

Hæfnikröfur » Jákvætt viðhorf, frumkvæði og samskiptahæfileikar
» Sjálfstæði í vinnubrögðum og faglegur metnaður
» Hæfni og geta til að vinna í teymi
» Íslenskt hjúkrunarleyfi

» Jákvætt viðhorf, frumkvæði og samskiptahæfileikar
» Sjálfstæði í vinnubrögðum og faglegur metnaður
» Hæfni og geta til að vinna í teymi
» Íslenskt hjúkrunarleyfi

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og hjúkrunarleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall 80% Umsóknarfrestur 02.09.2019 Nánari upplýsingar Guðrún Jónsdóttir, gudjonsd@landspitali.is, 825 3702 Þórdís Ágústa Ingólfsdóttir, thoring@landspitali.is, 824 5480 LSH Göngudeild taugasjúkdóma Fossvogi 108 Reykjavík