Aðallögfræðingur Háskóla Íslands Fullt starf

Aðallögfræðingur Háskóla Íslands

Laust er til umsóknar fullt starf aðallögfræðings Háskóla Íslands

Aðallögfræðingur fer fyrir teymi lögfræðinga sem heyrir undir skrifstofu rektors. Lögfræðingar rektorsskrifstofu veita lögfræðilega ráðgjöf til allra skipulagseininga og stjórnsýslu skólans þar sem reynir á flest svið lögfræðinnar, s.s stjórnsýslurétt, samninga- og kröfurétt, skaðabóta- og vátryggingarétt, upplýsingarétt og persónuvernd. Á það meðal annars við um reglusetningu, túlkun laga og reglna, gerð verklagsreglna og ferla, samningagerð við innlenda og erlenda aðila og álitaefni er varða réttindi og skyldur nemenda. Lögfræðingar rektorsskrifstofu koma einnig fram fyrir hönd Háskóla Íslands við úrlausn stjórnsýslumála og annarra lögfræðilegra viðfangsefna, halda regluleg námskeið fyrir starfsfólk skólans og taka þátt í samstarfi í nefndum á innlendum og erlendum vettvangi.

Helstu verkefni og ábyrgð

• Veitir rektor, háskólaráði, forsetum fræðasviða, sviðsstjórum sameiginlegrar stjórnsýslu og öðru starfsfólki Háskóla Íslands lögfræðilega ráðgjöf og aðstoð við úrlausn mála
• Umsjón með regluverki Háskóla Íslands
• Hefur umsjón með verkefnum og fer fyrir teymi lögfræðinga á skrifstofu rektors
• Veitir starfsmönnum ráðgjöf og fræðslu um lögfræðileg álitaefni með reglulegum námskeiðum
• Tekur þátt í samstarfi og nefndum á innlendum og erlendum vettvangi
• Annast samskipti við önnur stjórnvöld um lögfræðileg málefni

Hæfniskröfur

• Embættis- eða meistarapróf í lögfræði
• Haldgóð reynsla á sviði stjórnsýsluréttar 
• Hæfni í ritun lögfræðilegs texta
• Frumkvæði, metnaður og nákvæm vinnubrögð ásamt hæfni til að starfa bæði sjálfstætt og í hópi
• Góð samskiptahæfni
• Reynsla af lögfræðistörfum í opinberri stjórnsýslu æskileg
• Hæfni til að tjá sig í ræðu og riti, bæði á  íslensku og ensku

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Eftirfarandi gögn skulu fylgja umsókn:

• Ferilskrá
• Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
• Staðfest afrit af prófskírteinum
• Upplýsingar um umsagnaraðila

Æskilegt er að viðkomandi geti hafið störf sem fyrst.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Starfshlutfall er 100%

Umsóknarfrestur er til og með 31.03.2023

Nánari upplýsingar veitir

Magnús Diðrik Baldursson, skrifstofustjóri rektorsskrifstofu
–
[email protected]
–
5254206

Smelltu hér til að sækja um starfið