Aðstoðarskólameistari

Aðstoðarskólameistari

Laus er til umsóknar staða aðstoðarskólameistara FB. 

Fjölbrautaskólinn í Breiðholti menntar fólk til lokaprófs úr framhaldsskóla. Sýn skólans er að efla einstaklinga til þess að skapa kærleiksríkt sjálfbært samfélag og gildi skólans eru: virðing, fjölbreytni, sköpunarkraftur. 

FB er skóli Heimsmarkmiða Sameinuðu þjóðanna.

Stefnumið skólans eru þessi: 

• Við leggjum áherslu á frið, lýðræði, réttlæti, jöfnuð og jafnrétti 
• Við vinnum saman að góðum námsárangri allra nemenda
• Við menntum nemendur til að stuðla að sjálfbærni og virða líf og umhverfi
• Við stuðlum að vellíðan og valdeflingu nemenda og starfsfólks
• Við leggjum áherslu á góða samvinnu, hvetjandi og nærandi samskipti 
• Við iðkum, kennum og hlúum að nýsköpun 
• Við ræktum góð tengsl út á við og vinnum með nærsamfélagi skólans.

Helstu verkefni og ábyrgð

Aðstoðarskólameistari er staðgengill skólameistara og vinnur náið með honum við daglega stjórn og rekstur skólans. Sjá nánar í 8. grein laga um framhaldsskóla frá 2008 og 5. grein reglugerðar um starfslið og skipulag framhaldsskóla frá 2007.

Helstu verkefni aðstoðarskólameistara eru:

• Samskipti og úrlausn mála er varða nemendur og starfsfólk
• Öryggis-, húsnæðis og rekstrarmál
• Vinnumat kennara, ráðningar og mannauðsmál í samráði við skólameistara
• Seta í ýmsum ráðum og nefndum innan og utan skólans
• Þátttaka í stefnumótun og vinna við að koma stefnumálum skólans í framkvæmd í samstarfi við stjórnendahóp og starfsfólk skólans
• Aðstoðarskólameistari er í yfirstjórn skólans ásamt skólameistara, áfangastjóra, fjármálastjóra og kennslustjóra.

Hæfniskröfur

Aðstoðarskólameistari skal hafa starfsheitið kennari sbr. lög nr. 95 frá 2019 og reglugerð nr. 1355 frá 2022 og viðbótarmenntun í stjórnun eða kennslureynslu á framhaldsskólastigi.

Leitað er að einstaklingi með góða samskiptahæfni, frumkvæði og áhuga á árangri og velferð nemenda, góðan skilning á skólastarfi og þekkingu á innviðum framhaldsskólans. 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert.

Umsóknum skal skilað í gegnum Starfatorg og skal náms- og starfsferilsskrá fylgja með innsendri umsókn ásamt prófskírteinum og þeim gögnum í viðhengi sem umsækjendur telja skipta máli í ráðningarferlinu.  Í samræmi við jafnréttisáætlun skólans er fólk af öllum kynjum hvatt til að sækja um starfið.

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verði tekin. Áskilinn er réttur til að nýta umsóknina í 6 mánuði frá ráðningu. 

Við ráðningu skal liggja fyrir sakavottorð.

Starfshlutfall er -100%

Umsóknarfrestur er til og með 27.03.2023

Nánari upplýsingar veitir

Guðrún Hrefna Guðmundsdóttir, Skólameistari
–
[email protected]
–
8992123

Smelltu hér til að sækja um starfið