Ævintýri á hálendi Íslands

Nýr kafli hefst í íslenskri ferðaþjónustu þann 1. júlí þegar ný og stórbætt aðstaða opnar í Kerlingarfjöllum. Fjölbreytt gisting, framúrskarandi veitingaþjónusta, baðupplifun og ótal möguleikar til afþreyingar og útivistar allt árið um kring.

Við leitum að sterkum leiðtoga og starfsfólki í Kerlingarfjöll

Rekstrar- og þjónustustjóri

Viðkomandi er ábyrgðaraðili rekstursins í Kerlingarfjöllum. Rekstrar- og þjónustustjóri fer fyrir starfsfólki staðarins, ber ábyrgð á þjónustu og upplifun gesta og verður hluti af lykilteymi Kerlingarfjalla.

Umsóknarfrestur er til og með 18. febrúar. Viðkomandi þarf að geta hafið störf sem fyrst.

Starfsfólk í sumarstörf og til lengri tíma

Við leitum að jákvæðu og metnaðarfullu starfsfólki til að taka að sér fjölbreytt störf á nýjum og spennandi vinnustað í einstöku umhverfi íslenskrar náttúru.

Umsóknarfrestur er til og með 31. mars.

Viðkomandi þurfa að geta hafið störf 1. júní nk.

Highland Base Kerlingarfjöll er hluti af Bláa Lóns fjölskyldunni