Deildarstjóri á skrifstofu Sálfræðideildar Fullt starf

Deildarstjóri á skrifstofu Sálfræðideildar

Laust er til umsóknar fullt starf deildarstjóra á skrifstofu Sálfræðideildar Háskóla Íslands. Um framtíðarstarf er að ræða.

Við leitum að deildarstjóra til að stýra daglegri starfsemi á skrifstofu Sálfræðideildar í takt við stefnu Heilbrigðisvísindasviðs og Háskóla Íslands  HÍ26. Viðkomandi mun vinna náið með forseta Sálfræðideildar, deildarráði, starfsfólki deildar, rekstrarstjóra og starfsfólki á sviðsskrifstofu. Á deildarskrifstofunni starfa þrír starfsmenn auk deildarstjóra.

Sálfræðideild er til húsa í Nýja Garði við Sæmundargötu 2 og er þar í hringiðu háskólasamfélagsins. Á skrifstofu deildarinnar er veitt margvísleg þjónusta í tengslum við nám, kennslu og rannsóknir í deildinni. Deildin býður upp á nám á öllum námsstigum og þar stundar fjölbreytilegur hópur nemenda nám og setur líflegan svip á starfsemina.

Í stefnu Háskóla Íslands – HÍ26 – er áhersla lögð á skólann sem góðan vinnustað, að starfsumhverfi sé hvetjandi með vellíðan nemenda og starfsfólks að leiðarljósi. Lögð er áhersla á að laða að metnaðarfullt fólk með fjölbreyttan bakgrunn. Tekin hefur verið upp 36 stunda vinnuvika meðal starfsfólks í stoðþjónustu skólans.

Helstu verkefni og ábyrgð

• Daglegt utanumhald, rekstur og stýring verkefna á deildarskrifstofu
• Dagleg þjónusta við nemendur og kennara
• Aðstoð við störf deildarforseta
• Umsjón með kennslu- og námskeiðauppgjöri, undirbúningur fyrir fjárhagsáætlun, innkaup og samþykkt reikninga
• Undirbúningur fyrir fundi, fundarritun og afgreiðsla mála
• Umsjón með kennsluskrá, stundaskrárgerð, prófatöflu og brautskráningu
• Umsjón með viðburðum á vegum deildarinnar
• Umsjón með gæða- og skjalamálum deildar

Hæfniskröfur

• Háskólapróf sem nýtist í starfi, æskilegt er að viðkomandi hafi lokið meistaraprófi
• Afbragðs samstarfshæfni og rík þjónustulund
• Stjórnunarreynsla er kostur
• Gott vald á upplýsingatækni og hæfni til að tileinka sér nýjungar á því sviði
• Frumkvæði, sjálfstæði og nákvæmni í starfi
• Góð íslensku- og enskukunnátta, bæði í ræðu og riti

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Gert er ráð fyrir að viðkomandi geti hafið störf sem fyrst eða skv. nánara samkomulagi.

Eftirfarandi gögn skulu fylgja umsókn:

1. Ferilskrá
2. Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
3. Staðfest afrit af prófskírteinum
4. Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru ríflega 400 og nemendur um 3300. Þá koma ríflega 1000 stundakennarar að kennslu innan sviðsins á hverju ári.

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking.

Starfshlutfall er 100%

Umsóknarfrestur er til og með 27.03.2023

Nánari upplýsingar veitir

Erna Sigurðardóttir, rekstrarstjóri Heilbrigðisvísindasviðs
–
[email protected]
–
5255889

Smelltu hér til að sækja um starfið