Við leitum að kröftugum aðila til að stýra málningardeild og ljósa- og rafmagnsdeild BAUHAUS. Deildarstjóri ber meðal annars ábyrgð á mannaráðningum, pöntunum og fylgist með nýjungum á markaði. Um fjölbreytt og spennandi starf er að ræða í öruggu umhverfi.

Helstu verkefni og ábyrgð

• Ábyrgð á öllu því sem viðkemur deildunum
• Umsjón með framtíðarvöruvali og þjónustu
• Virk þátttaka í að veita framúrskarandi ráðgjöf og þjónustu til viðskiptavina
• Umsjón með starfsmannahaldi, ráðningum, starfslokaviðtölum og þjálfun starfsmanna
• Tryggja gott upplýsingaflæði til starfsfólks og viðskiptavina
• Önnur tilfallandi verkefni

Hæfnikröfur

• Reynsla af sambærilegu starfi
• Iðnmenntun og/eða reynsla af málningarvinnu er mikill kostur
• Hæfni í samskiptum og rík þjónustulund
• Sjálfstæð vinnubrögð, skipulag og frumkvæði
• Góð almenn tölvuþekking
• Gott vald á íslensku og ensku

BAUHAUS er vaxandi fyrirtæki í verslun og þjónustu á Íslandi og leggur sig fram við að skapa gott umhverfi fyrir starfsfólkið. Markmið BAUHAUS er að bjóða viðskiptavinum sínum upp á mikið vöruúrval, faglega þekkingu og góða þjónustu. Í 22.000 m2 vöruhúsi í Reykjavík býður BAUHAUS upp á margskonar þjónustu undir einu þaki.

Umsóknum fylgi starfsferilskrá. Umsóknarfrestur er til og með 26. febrúar nk.

Nánari upplýsingar um starfið veitir Stefanía Hildur Ásmundsdóttir, stefania@hagvangur.is

Tagged as: iðnmenntun, Málari