Deildarstjóri Nemendaráðgjafar Háskóla Íslands Fullt starf

Deildarstjóri Nemendaráðgjafar Háskóla Íslands

Laust er til umsóknar fullt starf deildarstjóra hjá Nemendaráðgjöf Háskóla Íslands, NHÍ (áður Náms- og starfsráðgjöf Háskóla Íslands) sem heyrir undir kennslusvið Háskóla Íslands. 

NHÍ býður upp á fjölbreytta þjónustu fyrir verðandi og núverandi nemendur skólans.

NHÍ veitir nemendum skólans stuðning og þjónustu meðan á námi stendur, þ.e. námsráðgjöf, starfsráðgjöf, ráðgjöf um úrræði í námi og prófum og sálfræðiþjónustu. Nemendaráðgjöf veitir m.a. upplýsingar um námsleiðir, aðstoð við námsval, námsvenjur, gagnleg vinnubrögð í námi og leiðbeiningar um undirbúning fyrir atvinnulífið. Þá er yfirumsjón með vef Tengslatorgs Háskóla Íslands, www.tengslatorg.is á vegum NHÍ. Í Háskóla Íslands er lögð áhersla á jöfn tækifæri til náms og hefur NHÍ umsjón með úrræðum fyrir nemendur í námi og prófum, s.s. vegna fötlunar, veikinda og sértækra námsörðugleika. Í NHÍ veita sálfræðingar nemendum skólans sálfræðiþjónustu og eru viðtölin gjaldfrjáls.

Deildarstjóri heyrir undir sviðsstjóra kennslusviðs og vinnur náið með öðru starfsfólki skólans. Jafnframt er mikil samvinna við skólastjórnendur og náms- og starfsráðgjafa annarra menntastofnana. Enn fremur er NHÍ í samstarfi við starfsfólk og stjórnendur fyrirtækja og stofnana íslensks samfélags og erlenda fagaðila. 

Helstu verkefni og ábyrgð

Deildarstjóri ber faglega ábyrgð á starfsemi NHÍ, þróun hennar og stefnumótun í samráði við annað starfsfólk NHÍ og í samræmi við stefnu Háskóla Íslands á hverjum tíma. Deildarstjóri hefur umsjón með daglegum rekstri NHÍ og hefur yfirsýn yfir helstu verkþætti og vinnu allra teyma innan NHÍ. 

Deildarstjóri ber einnig fjárhags- og rekstrarlega ábyrgð á starfsemi NHÍ og stýrir starfsmannamálum einingarinnar, en í allt starfa þar um 17 manns. Deildarstjóri tekur þátt í störfum nefnda og stjórna ef þess er óskað og sinnir ýmsum öðrum tilfallandi verkefnum.

Hæfniskröfur

• Háskólapróf sem nýtist í starfi, t.d. á sviði náms- og starfsráðgjafar, stjórnunar eða sálfræði. Viðbótarmenntun er kostur.
• Reynsla af stjórnun er æskileg.
• Reynsla á einhverjum af þeim fagsviðum sem tilheyra starfseiningunni er kostur.
• Leiðtogafærni, hæfni í mannlegum samskiptum, ásamt góðri skipulagshæfni. 
• Gott vald á íslensku og ensku, bæði í rituðu og töluðu máli.
• Góð almenn tölvukunnátta og vilji til þess að tileinka sér nýjungar í stafrænu umhverfi

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Eftirfarandi gögn skulu fylgja umsókn:

• Ferilskrá.
• Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess. 
• Staðfest afrit af prófskírteinum. 
• Upplýsingar um umsagnaraðila.

Ráðið verður í starfið frá og með 1. mars 2023 eða samkvæmt nánara samkomulagi.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Starfshlutfall er 100%

Umsóknarfrestur er til og með 30.01.2023

Nánari upplýsingar veitir

Róbert H. Haraldsson , Sviðsstjóri kennslumála
–
[email protected]
–
5254277

Smelltu hér til að sækja um starfið