Dósent í lífeindafræði – Heilbrigðisvísindasvið Fullt starf

Dósent í lífeindafræði – Heilbrigðisvísindasvið

Laust er til umsóknar fullt starf dósents í lífeindafræði á fræðasviði erfðafræði við Læknadeild Háskóla Íslands.

Helstu verkefni og ábyrgð

Dósentinn mun sinna kennslu í erfðafræði með áherslu á kennslu í grunnnámi, en kennsla er 48% hluti starfsskyldna. Starfsskyldur dósentsins felast einnig í rannsóknum á fræðasviðinu (40%) og stjórnun (12%) í tengslum við kennslu og rannsóknir eða í tengslum við verkefni á vegum fræðasviðs, deildar, háskólaráðs eða rektors.

Hæfniskröfur

• Doktorspróf á fræðasviðinu eða þekking og reynsla í samræmi við alþjóðleg viðmið fyrir viðkomandi starfsheiti á fræðasviðinu, staðfest með áliti dómnefndar.
• Rannsóknavirkni á fræðasviðinu, sjálfstæði og frumkvæði í rannsóknum.
• Reynsla af háskólakennslu.
• Reynsla af kennslu í lífeindafræði æskileg
• Reynsla af leiðsögn til æðri háskólagráðu.
• Stjórnunarreynsla.
• Reynsla af öflun styrkja til rannsóknarstarfa er kostur.
• Góð samstarfshæfni og lipurð í mannlegum samskiptum.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Við ráðningu verður miðað við, að sá er starfið hlýtur falli sem best að aðstæðum og þörfum Læknadeildar.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Umsækjendur skulu láta eftirfarandi gögn fylgja umsókn sinni.

1. Kynningarbréf þar sem m.a. kemur fram hvernig umsækjandi uppfyllir hæfniskröfur
2. Prófskírteini eða eftir atvikum vottorð um námsferil
3. Akademíska ferilskrá (Curriculum Vitae)
4. Ritaskrá
5. Skýrslu um vísindastörf og önnur störf sem þeir hafa unnið
6. Greinargerð um rannsóknar- og kennsluáform ef til ráðningar kemur
7. Upplýsingar um mögulega umsagnaraðila sem hafa má samband við

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Gert er ráð fyrir að ofangreint starf verði veitt frá 1. apríl 2023, eða samkvæmt nánara samkomulagi.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Innan Háskólans eru fimm fræðasvið og deildir skólans eru 25 talsins. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. Jafnframt er Háskóli Íslands öflugur rannsóknaháskóli á alþjóðlega vísu og hafa vísindamenn Háskólans hlotið fjölmargar alþjóðlegar viðurkenningar fyrir vísindastörf sín.

Heilbrigðisvísindasvið Háskóla Íslands er í fararbroddi á sviði heilbrigðismála á Íslandi og gegnir lykilhlutverki í uppbyggingu íslenska heilbrigðiskerfisins með menntun heilbrigðisstarfsmanna. Helstu sérfræðingar þjóðarinnar í heilbrigðisvísindum koma að kennslu og rannsóknum á sviðinu.

Starfshlutfall er 100%

Umsóknarfrestur er til og með 21.02.2023

Nánari upplýsingar veitir

Ásbjörg Ósk Snorradóttir, námsbrautarstjóri
–
[email protected]
–
525 4898
Þórarinn Guðjónsson, forseti Læknadeildar
–
[email protected]
–
525 4879

Smelltu hér til að sækja um starfið