Við leitum eftir öflugum liðsmanni í hóp félagsráðgjafa í geðþjónustu Landspítala í fullt starf á öryggis- og réttargeðdeild. Teymi öryggis- og réttargeðþjónustu GDKL sinnir langtíma samfelldri meðferð og eftirfylgd einstaklinga með meðferðardóm með það að markmiði að veita þeim stuðning við að bæta lífsgæði sín og viðhalda bata. Unnið er eftir batamiðaðri nálgun og gagnreyndum vinnubrögðum skv. klínískum leiðbeiningum. Helstu verkefnin eru fólgin í aðstoð vegna félagslegra réttinda og búsetumála sem og fræðsla og stuðningur við fjölskyldur. Rík áhersla er lög á þverfaglega vinnu og samvinnu milli stofnana, bæði ríkis og sveitarfélaga.

Á Landspítala starfa rúmlega 50 félagsráðgjafar í þverfaglegum teymum og nánu samstarfi við aðrar fagstéttir. Félagsráðgjafar heyra undir geðþjónustu meðferðarsviðs Landspítala en starfa á öllum klínískum sviðum spítalans. Öll meðferð er byggð á gagnreyndum aðferðum samkvæmt stefnu Landspítala og er áhersla lögð á einstaklingsmiðaða þjónustu og virkt samstarf við fjölskyldur og aðstandendur.

Félagsráðgjöfum á Landspítala bjóðast fjölmörg tækifæri til sérhæfingar og starfsþróunar. Starfshlutfall er 100%, æskilegt að viðkomandi geti hafið störf sem fyrst eða eftir nánara samkomulagi.