Framkvæmdastjóri Fullt starf

Loftslagsráð leitar að framkvæmdastjóra til að reka skrifstofu og sinna fjölbreyttum verkefnum á sviði ráðsins. Leitað er að einstaklingi sem hefur áhuga og metnað fyrir loftslagsmálum, býr yfir góðri samskiptahæfni, reynslu af málefnavinnu og innsýn í stefnur og strauma í íslensku samfélagi, atvinnulífi og stjórnsýslu.

Starfssvið

• Yfirumsjón með þróun og rekstri skrifstofu Loftslagsráðs þ.m.t. fjárhags- og starfsáætlanagerð, ábyrgð á bókhaldi og ráðstöfun fjármuna.
• Umsjón með framvindu verkefna ráðsins og starfsfólki og aðkeyptri sérfræðiþjónustu.
• Þjónusta sem ritari Loftslagsráðs sem felur í sér skipulag og þjónustu við fundi ráðsins, undirbúning fundagagna og eftirfylgni.
• Fagleg greiningarvinna.
• Samstarf við hagaðila á sviði loftslagsmála, stjórnarráðið, önnur loftslagsráð og aðra erlenda samstarfsaðila.
• Önnur verkefni sem formaður og varaformaður fela framkvæmdastjóra.

Menntunar- og hæfniskröfur

• Meistaragráða sem nýtist í starfi.
• Þekking og reynsla á öllum þremur víddum sjálfbærni.
• Reynsla af vef- og samfélagsmiðlun og samskiptum við fjölmiðla.
• Reynsla af málefnavinnu og innsýn í stefnur og strauma í íslensku samfélagi, atvinnulífi og stjórnsýslu.
• Framúrskarandi samskipta- og samvinnuhæfileikar.
• Frumkvæði, drifkraftur og metnaður.
• Ögun í vinnubrögðum.
• Gott vald á talaðri og ritaðri íslensku og ensku.
• Grunnþekking á áætlanagerð er kostur.

Loftslagsráð er fulltrúaráð sem í eiga sæti fulltrúar sveitarfélaga, launþega, neytenda, viðskipta- og atvinnulífs, bænda, háskólasamfélagsins, umhverfisverndarsamtaka og ungs fólks. Formaður og varaformaður eru skipaðir af ráðherra án tilnefningar.

Ráðið fer ekki með stjórnvaldsheimildir en sækir umboð sitt til laga um loftslagsmál og er ætlað að vera sjálfstætt í störfum sínum og veita stjórnvöldum aðhald með faglegri ráðgjöf. Það sinnir hlutverki sínu með því að rýna áætlanir stjórnvalda, stuðla að upplýstri umræðu, standa fyrir miðlun upplýsinga og viðburðum um loftslagstengd málefni.

Umsóknarfrestur er til og með 15. ágúst nk.

Einstaklingar eru hvattir til að sækja um starfið óháð kyni.

Umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Öllum umsóknum verður svarað þegar ákvörðun um ráðningu liggur fyrir. Tekið skal fram að umsóknir geta gilt í sex mánuði frá birtingu auglýsingar, sbr. reglur um auglýsingar lausra starfa nr. 1000/2019.

Starfshlutfall er 100%. Æskilegt er að viðkomandi geti hafið störf sem fyrst.

Laun eru samkvæmt kjarasamningi Félags háskólamenntaðra starfsmanna Stjórnarráðsins.

Umsjón með starfinu hafa Hildur J. Ragnarsdóttir (hildur@vinnvinn.is) og Garðar Ó. Ágústsson (gardar@vinnvinn.is) hjá Vinnvinn.

Starfamerkingar: Framkvæmdastjóri, Loftlagsráð