Leitað er að öflugum einstaklingi til að halda utan um þátttöku Bláma í rannsókna- og þróunarverkefnum. Rannsókna- og þróunarstjóri vinnur þétt með framkvæmdastjóra Bláma og hefur frumkvæði að mótun og fjármögnun nýrra verkefna í samstarfi við framkvæmdastjóra, stjórn og hagsmunaaðila. Starfsstöð rannsókna- og þróunarstjóra er á Vestfjörðum.

Helstu verkefni:

• Vinna að mótun og þátttöku Bláma í innlendum og erlendum rannsóknaverkefnum
• Þróa öflugt samstarf við mennta- og rannsóknastofnanir
• Aðstoð við að koma verkefnum Bláma á framfæri
• Verkefnastjórn einstakra verkefna
• Samskipti og tengsl við hagsmunaaðila

Menntunar- og hæfniskröfur:

• Meistara- eða doktorspróf sem nýtist í starfi
• Starfsreynsla sem nýtist í starfi
• Reynsla af gerð styrkumsókna í innlenda og erlenda sjóði
• Reynsla af rannsókna- og þróunarstarfsemi
• Reynsla af verkefnastjórn
• Hæfni til að tjá sig í ræðu og riti á íslensku og ensku

Blámi er nýtt samstarfsverkefni á Vestfjörðum sem snýr að nýsköpun og þróun tækifæra í vetni, orkuskiptum og grænni verðmætasköpun

tengdri starfsemi á svæðinu. Að verkefninu standa Landsvirkjun, Orkubú Vestfjarða og Vestfjarðastofa.

Markmið samstarfsins:

• Styðja við orkuskipti á svæðinu með áherslu á orkuskipti skipa og báta, í flutningum á landi og sjó
• Skapa vettvang fyrir alþjóðleg tilrauna- og þróunarverkefni á sviði orkuskipta
• Starfa með fyrirtækjum og frumkvöðlum á svæðinu að grænni verðmætasköpun og nýsköpun í iðnaði, samgöngum, flutningi og ferðaþjónustu
• Stuðla að grænni þróun Vestfjarða meðþví að kortleggja og markaðssetja orkuauðlindir með áherslu á fjölþætta nýtingu og stuðla að bættri nýtingu svæðisbundinna auðlinda
• Stuðla að bættum innviðum sem styðja við orkutengda nýsköpun
• Stuðla að auknum rannsóknum á sviði orkuskipta með öflugu samstarfi við háskóla, rannsóknastofnanir og atvinnulíf
• Vinna að möguleikum Íslands á að verða leiðandi þegar kemur að samspili orku, umhverfis og samfélags

Umsóknir með ítarlegri ferilskrá og kynningarbréfi óskast fylltar út á www.hagvangur.is. Nánari upplýsingar veitir Geirlaug Jóhannsdóttir, geirlaug@hagvangur.is

Tagged as: Doktorspróf, Meistarapróf, Rannsóknar- og þróunarstjóri