Fulltrúi í skráningu og þjónustu Fullt starf

Fulltrúi í skráningu og þjónustu

Samgöngustofa auglýsir lausa til umsóknar stöðu fulltrúa í deild skráningar og þjónustu á umferðarsviði stofnunarinnar. Um tímabundna ráðningu til 12 mánaða er að ræða, með möguleika á framlengingu.

Helstu verkefni og ábyrgð

Um er að ræða fjölbreytt starf m.a. við móttöku og afgreiðslu viðskiptavina, svörun fyrirspurna, framkvæmd skráninga í ökutækjaskrá, upplýsingagjöf í gegnum síma og ráðgjöf í tengslum við verkefni stofnunarinnar. Starfið felur einnig í sér þátttöku í umbótavinnu þar sem unnið er að einföldun á stjórnsýslu og við stafvæðingu ferla í deildinni. Við leitum að einstaklingi sem hefur  áhuga á umferðaröryggismálum, stöðugum umbótum og er góður liðsmaður. 

Hæfniskröfur

• Rík þjónustulund og færni í mannlegum samskiptum eru skilyrði.
• Reynsla af sambærilegu starfi er kostur.
• Góð almenn tölvukunnátta er skilyrði.
• Gott vald á íslensku og ensku, í rituðu og töluðu máli.
• Viðkomandi þarf að vera áreiðanlegur, jákvæður og vandvirkur. 
• Áhugi og vilji til að leita nýrra leiða og til að vinna að umbótum er kostur.

Í boði er fjölbreytt og spennandi starf hjá metnaðarfullri stofnun sem starfar í alþjóðlegu umhverfi. Við bjóðum upp á góða starfsaðstöðu og góða vinnufélaga. 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Öllum umsóknum skal fylgja ítarleg starfsferilsskrá og kynningarbréf. Í ráðningarferlinu verður óskað eftir að umsækjendur skili sakavottorði. Hafi umsækjandi verið fundinn sekur um refsiverða háttsemi getur það orðið til þess að viðkomandi telst ekki hæfur til að gegna starfi hjá stofnuninni. Öllum umsóknum verður svarað þegar ákvörðun um ráðningu hefur verið tekin. Umsóknir gilda í a.m.k. sex mánuði ef staða losnar á ný. Samgöngustofa áskilur sér rétt til að hafna öllum umsóknum. Samgöngustofa hvetur fólk óháð kyni, þjóðernisuppruna og fötlun til að sækja um.

Starfshlutfall er 100%

Umsóknarfrestur er til og með 27.03.2023

Nánari upplýsingar veitir

Sædís Jónasdóttir, Deildarstjóri skráningar- og þjónustudeildar
–
[email protected]
–
4806000

Smelltu hér til að sækja um starfið