Gæða- og skjalastjóri Fullt starf

Gæða- og skjalastjóri

Sýslumaðurinn á höfuðborgarsvæðinu leitar að kraftmiklum gæða- og skjalastjóra sem hefur áhuga á að leiða þróun gæða- og skjalastjórnunar innan embættisins. Gæða- og skjalastjóri ber faglega ábyrgð á gæða- og skjalamálum og hefur það markmið að málaflokkurinn sé rekinn með skipulögðum og skilvirkum hætti í samræmi við lög og reglur sem stofnunin starfar eftir.

Helstu verkefni og ábyrgð

• Ábyrgð og umsjón með skjalasafni embættisins
• Ábyrgð á gæðamálum embættisins ásamt ritstjórn gæðahandbókar
• Skipulag, rekstur og eftirlit gæða- og skjalastjórnunarkerfis 
• Þróun skjalastefnu og mótun verklags við skjalastjórn fyrir embættið þ.m.t. rafræna skjalavörslu
• Ráðgjöf og fræðsla fyrir starfsfólk um gæða- og skjalamál og eftirfylgni með skjalaskráningu 
• Samstarf við önnur sýslumannsembætti um samræmingu skjalamála
• Umsjón með frágangi og skilum á gögnum skjalasafns til Þjóðskjalasafns 
• Stuðla að stöðugum umbótum á ferlum sem varða gæða- og skjalastjórnun og rafræna skjalavörslu

Hæfniskröfur

• Háskólapróf í upplýsingafræði eða önnur háskólamenntun sem nýtist í starfi 
• Reynsla af sambærilegu starfi er kostur
• Þekking á gæðamálum er kostur
• Gott vald á upplýsingatækni, þ.m.t. á rafrænni skjalavörslu
• Góð samskipta- og samvinnuhæfni og jákvætt viðmót
• Frumkvæði, drifkraftur, skipulagning og sjálfstæði í starfi 
• Gott vald á íslensku og ensku í ræðu og riti

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni umsækjanda í starfið. Vinsamlegast sækið um í gegnum umsóknarvef Alfred.is.

Öllum umsóknum verður svarað þegar ákvörðun um ráðningu liggur fyrir. Umsóknir gilda í 6 mánuði frá því að umsóknarfrestur rennur út. Við ráðningu er tekið mið af jafnréttisstefnu Sýslumannsins á höfuðborgarsvæðinu.

Sýslumenn fara með framkvæmdarvald og stjórnsýslu ríkisins í héraði, hver í sínu umdæmi, skv. lögum nr. 50/2014. Í umdæmi sýslumannsins á höfuðborgarsvæðinu búa um 64% landsmanna. Nánari upplýsingar um verkefni sýslumanna má finna á island.is/syslumenn.

Starfshlutfall er 100%

Umsóknarfrestur er til og með 27.03.2023

Nánari upplýsingar veitir

Þóra Björk Eysteinsdóttir, Mannauðsstjóri
–
[email protected]
–
4582000

Smelltu hér til að sækja um starfið