Héraðsdýralæknir Norðvesturumdæmis Fullt starf NÝTT

Héraðsdýralæknir Norðvesturumdæmis

Matvælastofnun óskar að ráða metnaðarfullan stjórnanda í starf héraðsdýralæknis Norðvestur­umdæmis. Um fullt starf er að ræða með áherslu á stjórnun og æskilegt að viðkomandi geti hafið störf sem fyrst. Héraðsdýralæknir stýrir starfsmönnum umdæmis en meginhlutverk starfsmanna er að sinna eftirliti. Héraðsdýralæknir vinnur að aukinni velferð og bættu heilbrigði og sjúkdómavörnum dýra og manna í umdæminu og stýrir stjórnvaldsaðgerðum.

Helstu verkefni og ábyrgð

• Stjórnun og rekstur umdæmisskrifstofunnar
• Framkvæmd opinbers eftirlits
• Skipulag á eftirliti með heilbrigði og velferð dýra (búfé og gæludýr)
• Skipulag á eftirliti með frumframleiðslu matvæla, slátrun og vinnslu dýraafurða
• Skipulag og ábyrgð á matvælaeftirliti
• Framkvæmd sóttvarna og varnir gegn smitsjúkdómum dýra
• Skipulag bakvaktaþjónustu í umdæminu
• Aðkoma að stjórnsýsluákvörðunum og eftirfylgni með þeim

Hæfniskröfur

Umsækjendur skulu hafa dýralæknamenntun og reynslu af hefðbundnum dýralæknastörfum. Krafa er gerð um mjög góða færni til tjáningar í ræðu og riti á íslensku og enskukunnátta er áskilin, ásamt góðri almennri tölvukunnáttu. Öguð vinnubrögð, góðir skipulagshæfileikar og geta til að starfa sjálfstætt eru áskilin. Æskilegt er að umsækjendur hafi reynslu af stjórnun starfsfólks og innsýn í opinbera stjórnsýslu. Góð framkoma og lipurð í samskiptum er skilyrði.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Dýralæknafélag Íslands hafa gert.

Nánari upplýsingar um starfið veitir Sigurborg Daðadóttir, yfirdýralæknir  [email protected] og Sigríður Björnsdóttir héraðsdýralæknir [email protected] og í síma 530 4800. Umsókn skal fylgja ítarleg starfsferilskrá og afrit af prófskírteinum ásamt kynningarbréfi þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. 

Umsóknarfrestur er til og með 8. ágúst 2022. Vakin er athygli á því að umsóknin gildir í 6 mánuði eftir að umsóknarfrestur rennur út nema umsækjandi ákveði annað. Öllum umsóknum verður svarað þegar ráðning liggur fyrir. Launakjör eru samkvæmt gildandi kjarasamningi fjármálaráðherra og Dýralæknafélags Íslands. 

Nánari upplýsingar um Matvælastofnun er að finna á www.mast.is.

Starfshlutfall er 100%

Umsóknarfrestur er til og með 08.08.2022

Nánari upplýsingar veitir

Sigríður Björnsdóttir, héraðsdýralæknir
–
[email protected]
–
530 4800
Sigurborg Daðadóttir, yfirdýralæknir
–
[email protected]
–
530 4800

Smelltu hér til að sækja um starfið