Á heila-, tauga- og bæklunarskurðdeild B6 í Fossvogi starfar kraftmikill hópur fólks í þverfaglegu teymi og sinna sjúklingum eftir aðgerð á heila, mænu og taugum auk þjónustu við sjúklinga með stoðkerfisvandamál og eftir liðskiptaaðgerðir. Deildin er 14 rúma bráðalegudeild með 4 rúma hágæslueiningu fyrir heila- og taugaskurðsjúklinga. Góður starfsandi ríkir á deildinni sem einkennist af vinnugleði og metnaði og markvisst er unnið að umbótum og framþróun. Gildi deildarinnar eru hæfni, húmor og heiðarleiki.

Verkefnin eru fjölbreytt og tækifæri til starfsþróunar mikil. Lögð er áhersla á einstaklingsbundna aðlögun. Starfshlutfall er samkomulag og er starfið laust frá 1. janúar 2021 eða eftir nánara samkomulagi.

Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala (sjá myndskeið undir frekari upplýsingar).