Við leitum eftir metnaðarfullum hjúkrunarfræðingum til að starfa með okkur á skilunardeildinni við Hringbraut. Um er að ræða 2 störf, annað til frambúðar, hitt afleysing til eins árs vegna fæðingarorlofs. Við bjóðum jafnt velkomna reynslubolta sem og nýútskrifaða hjúkrunarfræðinga í okkar góða hóp því við teljum gott að hafa breidd í þekkingu og reynslu. Í boði er 3ja mánaða aðlögun, þar af 8 vikna skipulögð fræðsla með reyndum hjúkrunarfræðingi.

Deildin sinnir einstaklingum með langvarandi eða tímabundna nýrnabilun (blóð- og kviðskilun), auk blóðvatnsskipta. Gert er ráð fyrir að viðkomandi sinni bakvöktum eftir að þjálfun lýkur. Á deildinni starfa um 35 manns í þverfaglegu teymi og góðu starfsumhverfi. Deildin er opin frá kl. 8-20 virka daga og frá kl. 8-16 um helgar. Unnið er á tvískiptum vöktum frá kl. 8-16 eða kl. 12-20, auk þess að bakvakt er annan tíma sólarhringsins. Ráðið er í störfin frá 1. maí 2021 eða eftir samkomulagi.

Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala (sjá myndskeið undir frekari upplýsingar).