Hjúkrunardeildarstjóri Öldrunarlækningardeild Fullt starf

Hjúkrunardeildarstjóri Öldrunarlækningardeild

Við leitum eftir öflugum leiðtoga með faglega hæfni og farsæla reynslu af stjórnun, rekstri og eflingu mannauðs til að leiða starfsemi öldrunarlækningardeild A á Landakoti. Starfið er unnið í nánu samstarfi við framkvæmdastjóra og annað starfsfólk. Hjúkrunardeildarstjóri þarf að búa yfir afburða hæfni í samskiptum og stuðla að teymisvinnu innan deildar og við aðra stjórnendur og samstarfsaðila. Deildarstjóri er yfirmaður hjúkrunar á deildinni og stýrir daglegum rekstri og er leiðandi um fagleg málefni innan deildarinnar. 

Hjúkrunardeildarstjóri er leiðtogi og hefur þríþætta ábyrgð sem stjórnandi, þ.e.a.s. faglega ábyrgð, starfsmannaábyrgð og fjárhagslega ábyrgð. Næsti yfirmaður er framkvæmdastjóri öldrunar- og endurhæfingarþjónustu. Starfshlutfall er 100% og veitist starfið frá  01.05.2023  eða eftir nánara samkomulagi. 

Öldrunarlækningardeild A er ætluð skjólstæðingum sem þurfa á frekari endurhæfingu að halda eftir bráð veikindi. Skjólstæðingar koma frá flestum bráðadeildum spítalans. Markmið er að auka hæfni einstaklingsins til þess að takast á við athafnir daglegs lífs og /eða auka líkamlega, andlega og félagslega færni þeirra. 

Á deildinni starfa um 50 manns í þverfaglegu teymi  góður starfsandi ríkir á deildinni sem og mikill faglegur metnaður. Gagnreynd þekking, viðurkenndir verkferlar, öryggi sjúklinga og teymisvinna eru höfð í fyrirrúmi. 

Helstu verkefni og ábyrgð

• Fagleg ábyrgð á uppbyggingu, skipulagi og þróun starfseminnar 
• Starfsmannaábyrgð, þ.e. ábyrgð á uppbyggingu mannauðs og daglegri stjórnun starfsmanna á deildinni 
• Fjárhagsleg ábyrgð, þ.e. ábyrgð á rekstrarkostnaði deildarinnar¿ 
• Tryggir að öryggis-, gæða og umbótastarfi sé framfylgt 
• Samstarf um vísindi og rannsóknarstarf innan öldrunarþjónustu 
• Framfylgir stefnumótun og áherslum framkvæmdastjórnar Landspítala 
• Samstarf við þjónustuaðila heilbrigðisþjónustu utan Landspítala 

Hæfniskröfur

• Íslenskt hjúkrunarleyfi 
• Starfsreynsla sem hjúkrunarfræðingur 
• Viðbótarmenntun á háskólastigi sem nýtist í starfi 
• Þekking og reynsla af öryggis-, gæða- og umbótastarfi 
• Færni í stjórnunarhlutverki, þ.e. fagleg ábyrgð, starfsmannaábyrgð og fjárhagsleg ábyrgð 
• Jákvætt lífsviðhorf, lausnamiðuð nálgun og framúrskarandi leiðtoga- og samskiptahæfileikar 
• Frumkvæði, drifkraftur og stefnumótandi hugsun 
• Góð íslenskukunnátta 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt afriti af prófskírteinum og starfsleyfi, ef við á. Fylgiskjöl skulu vera á pdf formi. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6700 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að. 

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta: Hjúkrunarfræðingur

Starfshlutfall er 100%

Umsóknarfrestur er til og með 17.04.2023

Nánari upplýsingar veitir

Guðný Valgeirsdóttir, Framkvæmdastjóri
–
[email protected]

Smelltu hér til að sækja um starfið