Hjúkrunarfræðingar – hjúkrunarsvið Fullt starf / Hlutastarf

Hjúkrunarfræðingar – hjúkrunarsvið

Nú fjölgum við rýmum á HSS!

Vegna mikils skorts á hjúkrunarrýmum fjölgum við rýmum sem tímabundið úrræði til að mæta þessum vanda.

Framundan er mikil uppbygging á HSS  og  leitum við að metnaðarfullum og jákvæðum einstaklingum til að slást í okkar frábæra hóp og taka þátt í þessu spennandi verkefni með okkur. 

Við óskum eftir að ráða hjúkrunarfræðinga í vaktavinnu, starfshlutfall er samkomulag, æskilegt er að viðkomandi geti hafið störf sem fyrst eða eftir samkomulagi. Leitað er eftir áhugasömum og metnaðarfullum einstaklingum sem geta unnið sjálfstætt.

Á stofnuninni er góð samvinna milli deilda, boðleiðir eru stuttar og hér ríkir góður starfsandi. Við tökum vel á móti nýju fólki og veitum góða og einstaklingshæfða aðlögun.

Helstu verkefni og ábyrgð

Störf hjúkrunarfræðinga eru bæði fjölbreytt og krefjandi. Unnið er á grundvelli þverfaglegs samstarfs og áhersla lögð á heildarsýn og samþætta þjónustu.

Hjúkrunarfræðingar starfa samkvæmt lögum og reglugerðum um heilbrigðisstarfsmenn, siðareglum og markmiðum hjúkrunar og deildarinnar.  Leiðarljós HSS í þjónustu og starfi er umhyggja, fagmennska og virðing.

Hæfniskröfur

• Íslenskt hjúkrunarleyfi
• Faglegur metnaður og vandvirkni
• Framúrskarandi samskiptahæfni
• Sjálfstæði í vinnubrögðum
• Hlýtt og jákvætt viðmót
• Starfsreynsla er kostur
• Góð íslensku- og enskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi, ef við á. Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað um leið og ráðið hefur verið í starfið. Umsókn gildir í 6 mánuði.

Á Heilbrigðisstofnun Suðurnesja eru þrjú svið; heilsugæslusvið, sjúkrahússvið og hjúkrunarsvið. Starfsstöðvar eru í þremur sveitarfélögum; Grindavík, Reykjanesbæ og Vogum. Heilbrigðisstofnun Suðurnesja sinnir þjónustu í einu fjölmennasta heilbrigðisumdæmi á landinu, um 30.000 manns.

Starfshlutfall er 50-100%

Umsóknarfrestur er til og með 03.02.2023

Nánari upplýsingar veitir

Vigdís Elísdóttir
–
[email protected]

Smelltu hér til að sækja um starfið