Hjúkrunarfræðingur – dagvinna á göngudeild húð- og kynsjúkdóma Fullt starf / Hlutastarf

Hjúkrunarfræðingur – dagvinna á göngudeild húð- og kynsjúkdóma

Við óskum eftir að ráða hjúkrunarfræðing á göngudeild húð- og kynsjúkdóma í Fossvogi.  

Starfið er fjölbreytt og skemmtilegt og krefst frumkvæðis og áhuga á teymisvinnu. Á deildinni starfa 14 einstaklingar í samhentum hópi hjúkrunarfræðinga, lækna, ritara og sjúkraliða og er samvinna til fyrirmyndar .Við tökum vel á móti nýju starfsfólki og veitum góða einstaklingshæfða aðlögun með reyndum hjúkrunarfræðingum. 
Starfshlutfall er 80 – 100% og er vinnutími virka daga kl. 8 – 16. Vinnuvika starfsfólks í fullu starfi er nú 36 klukkustundir.

Starfið er laust frá 17. apríl 2023 eða samkvæmt samkomulagi. 

Helstu verkefni og ábyrgð

• Skipulagning, meðferð og fræðsla um húð- og kynsjúkdóma 
• Þátttaka í þróun hjúkrunar og þverfaglegri teymisvinnu innan deildar
• Önnur verkefni í samráði við deildarstjóra

Hæfniskröfur

• Jákvætt viðhorf, frumkvæði og framúrskarandi samskiptahæfni
• Hæfni og áhugi á teymis- og verkefnavinnu
• Faglegur metnaður og sjálfstæði í starfi
• Góð íslenskukunnátta í mæltu og rituðu máli
• Íslenskt hjúkrunarleyfi skilyrði 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt afriti af prófskírteinum og starfsleyfi, ef við á. Fylgiskjöl skulu vera á pdf formi. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6700 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að. 

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbriðisþjónusta, Hjúkrunarfræðingur, hjúkrun

Starfshlutfall er 80-100%

Umsóknarfrestur er til og með 20.03.2023

Nánari upplýsingar veitir

Emma Björg Magnúsdóttir
–
[email protected]

Smelltu hér til að sækja um starfið